Johane 9:6 - Siswati 1996 Bible

Watsi nasakushito loko Jesu, wakhafulela ematse emhlabatsini, wenta ludzaka ngawo, wase ulunindza emehlweni alemphumphutse.

Johane 9:6 Referencias Cruzadas

Isaya 35:5

Emehlo etimphumphutse ayawuvuleka, netindlebe tetihhulu tiyawuva.

Makho 7:33

Jesu wayehlukanisa nebantfu yaba yodvwa, wase ufaka iminwe yakhe etindlebeni tayo, wakhafula, wase utsintsa lulwimi lwayo.

Makho 8:23

Wayibamba ngesandla lemphumphutse wayikhiphela ngephandle kwemuti. Watsi kube ayikhafulele emehlweni wayibeka tandla wayibuta watsi: “Kukhona yini lokubonako?”

Johane 9:11

Wabaphendvula watsi: “Lomuntfu lokutsiwa nguJesu, wente ludzaka walunindza emehlweni ami, wase utsi kimi: ‘Hamba uyewugeza eSilowama!’ Ngako-ke ngaya, ngageza, ngase ngiyabona.”

Sembulo 3:18

Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.