Johane 8:59 - Siswati 1996 Bible

Batsi basatsatsa ematje kutsi batemgcoba ngawo, Jesu watsi phicephice waphuma ethempelini, wahamba.

Johane 8:59 Referencias Cruzadas

Genesisi 19:11

Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

Levithikusi 24:16

Lowo lohlambalata libito laSimakadze uyawubulawa. Sive sonkhe siyawumgcoba ngematje. Yebo, nome lomuntfu wetive nome angum-Israyeli wengati, kodvwa nahlambalata libito laSimakadze, uyawubulawa.

Matewu 12:14

BaFarisi besuka lapho baphuma bayakwakha lisu lekumbulala.

Lukha 24:31

Kwase kuyabakhanyela, bacondzisisa kutsi ngubani; kodvwa wase uyanyamalala, bangabe basambona.

Johane 11:54

Ngako-ke Jesu akabange asahamba ebaleni emkhatsini wemaJuda, kodvwa wesuka lapho, wahamba waya endzaweni lesedvute nelihlane, emtini lobitwa ngekutsi yi-Efrayimu, wayawutihlalela khona nebafundzi bakhe.

Johane 11:8

Bafundzi bakhe batsi: “Mfundzisi, khona nyalo emaJuda abesandza kufuna kukugcoba ngematje, kepha wena usafuna kubuyela khona nanyalo?”

Johane 12:36

Kholwani kukhanya nisenako, kuze nitewuba bantfwana bekukhanya.” Jesu watsi kube acedze lenkhulumo, wesuka kubo watifihla.

Johane 18:31

Philatu watsi kubo: “Mtsatseni nine niteke lelo cala lakhe ngekwemtsetfo wenu!” EmaJuda aphendvula atsi: “Site lilungelo lekubulala umuntfu.”

Johane 5:13

Kodvwa lendvodza lebeyiphilisiwe beyingamati kutsi ngubani, ngobe bekunesicumbi sebantfu kuleyo ndzawo, futsi naJesu abesahambile.

Johane 9:1

Jesu watsi endlula nje, wabona umuntfu labeyimphumphutse seloku atalwa.

Imisebenti yebaPhostoli 7:57

Bamemeta kakhulukati bavala tindlebe tabo, bamtselekela bonkhe kanyekanye,

1 Samuweli 30:6

Davide wadzabuka kakhulu, ngobe lamadvodza abesakhuluma ngekumgcoba ngematje. Ngulowo nalowo abemunyu emoyeni wakhe ngemadvodzana nangemadvodzakati akhe. Kodvwa Davide watfola emandla kuSimakadze Nkulunkulu wakhe.