Johane 8:29 - Siswati 1996 Bible

Lowo longitfumile unami; akangishiyi ngedvwa, ngobe sonkhe sikhatsi ngenta lokutsandzekako kuye.”

Johane 8:29 Referencias Cruzadas

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 42:21

Kwamjabulisa Simakadze ngenca yekulunga kwakhe kutsi ente umtsetfo wakhe ube mkhulu, futsi ube neludvumo.

Isaya 42:6

“Mine, Simakadze, ngikubite ngekulunga, ngiyawubamba sandla sakho. Ngitawugcina ngikwente kutsi ube sivumelwane sami nesive sami, ube kukhanya kubetive,

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 3:15

Kodvwa Jesu wamphendvula watsi: “Vuma nyalo, ngobe kufanele sigcwalise kanjalo intsandvo yaNkulunkulu.” Ngako wase uyamvumela.

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Johane 14:31

Kodvwa konkhe loku kwentekela kutsi live lati kutsi Babe ngiyamtsandza, nekutsi ngenta njengobe yena angiyalile. “Sukumani, sambe!”

Johane 15:10

Nanigcina imiyalo yami, niyawuhlala elutsandvweni lwami, njengobe nami ngigcina imiyalo yaBabe, ngihlala elutsandvweni lwakhe.

Johane 16:32

Siyeta sikhatsi, nanyalo sesifikile, lapho nonkhe nitawusakateka, ngulowo nalowo abuyele ekhaya lakhe. Nitangishiya ngedvwa; kodvwa noko angingedvwa, ngobe Babe unami.

Johane 17:4

Babe, ngikudvumisile eveni ngekucedzela umsebenti lowanginika wona kutsi ngiwente.

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Johane 5:30

“Mine ngingeke ngitentele lutfo ngekwami; ngehlulela njengaloko lengikuvako, kwehlulela kwami kulungile, ngobe angifuni yona intsandvo yami, kepha intsandvo yalowo longitfumile.

Johane 6:38

Ngobe kwehla kwami ezulwini akusiko kutsi ngetela kutakwenta intsandvo yami, kepha kutakwenta intsandvo yalowo longitfumile.

Johane 8:16

Nome ngehlulela, kwehlulela kwami kungulokucinisile, ngobe angingedvwa kuloku, kodvwa ngikanye naBabe lowangitfuma.

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.

2 kuThimothi 4:22

INkhosi ayibe nemoya wakho. Umusa awube nani.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.

KumaHebheru 7:26

Jesu-ke ungumPhristi Lomkhulu lohlangabetana netidzingo tetfu. Ungcwele, ute sici nome sono, akasoleki; wehlukaniswa netoni, waphakanyiswa waba ngetulu kwemazulu.

1 yaJohane 2:1

Bantfwabami, nginibhalela loku khona ningetikona; kodvwa nangabe kukhona lotfuke enta sono, tsine sineMmeli kuYise, Jesu Khristu lolungile,

1 yaJohane 3:22

Konkhe lesikucelako uyasipha, ngobe siyigcina imiyalo yakhe, futsi senta lokutsandzeka emehlweni akhe.