Johane 6:5 - Siswati 1996 Bible

Jesu watsi uphakamisa emehlo, wabona kutsi sicuku lesikhulu sita kuye, watsi kuFiliphu: “Labantfu sitabatsengela kuphi tinkhwa batewudla?”

Johane 6:5 Referencias Cruzadas

Numeri 11:13

Ngingayitsatsaphi nje inyama lengenela bonkhe labantfu? Bayangikhalela batsi: ‘Siphe inyama sitekudla.’

Matewu 15:33

Bafundzi bakhe batsi kuye: “Konje lapha ehlane singakutfolaphi nje kudla lokungenela lesicumbi sebantfu lesingaka?”

Makho 6:32

Ngako bahamba ngemkhumbi baya endzaweni lete bantfu, baba bodvwana.

Lukha 9:10

Nase babuyile baphostoli, bafike batjela Jesu konkhe lababekwentile. Wase uhamba nabo uya edolobheni eBhethsayida.

Johane 1:43

Ngakusasa Jesu watimisela kuya eGalile. Watfola Filiphu watsi kuye: “Ngilandzele.”

Johane 1:44

Filiphu abewaseBhethsayida, lapho bekuhlala bo-Andreya naPhetro khona.

Johane 1:45

Filiphu watfola Nathanayeli, watsi kuye: “Simtfolile lowo labhala ngaye emtsetfweni Mosi kanye nebaphrofethi, Jesu waseNazaretha, umsa waJosefa.”

Johane 1:46

Nathanayeli wambuta watsi: “Kungase kuvele yini lokuhle eNazaretha?” Filiphu wamphendvula watsi: “Kota utewutibonela.”

Johane 1:48

Nathanayeli watsi kuye: “Ungatelaphi-ke wena?” Jesu watsi kuye: “Ngikubone ngesikhatsi uhleti ngaphansi kwesihlahla semkhiwa, Filiphu asengakefiki kutakubita.”

Johane 4:35

Nine niyaye ningete nasho yini kutsi: ‘Sekusele tinyanga letine sivune’? Lalelani la, phakamisani emehlo enu nibone kutsi emasimi asamhlophe, asalungele kuvunwa.