Johane 5:19 - Siswati 1996 Bible

Ngako Jesu wabaphendvula watsi: “Ngicinisile, ngicinisile, ngitsi kini: INdvodzana ingeke itentele lutfo ngekwayo, kuphela yenta loko lebona uYise akwenta, ngobe loko lakwentako yena, neNdvodzana iyakwenta.

Johane 5:19 Referencias Cruzadas

Genesisi 1:1

Ekucaleni Nkulunkulu wadala lizulu nemhlaba.

Genesisi 1:26

Nkulunkulu wase utsi: “Asente bantfu, babe ngumfanekiso wetfu, basifute; babuse etikwetinhlanti taselwandle, nasetikwetinyoni tasemoyeni, nasetikwetifuyo, nasetikwemhlaba wonkhe, nasetikwato tonkhe tilwane letihamba ngesisu netilwanyakatana.”

Tihlabelelo 138:3

Ngatsi nangikhala kuwe, wangiva wangiphendvula, wanginika sibindzi ngekungicinisa.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 50:6

Emazulu amemetela kulunga kwakhe, ngobe Nkulunkulu ungumehluleli. Cabanga.

Eksodusi 4:11

Simakadze watsi kuye: “Ngubani lowanika umuntfu umlomo? Ngubani lowenta umuntfu abe simungulu, nome sihhulu? Ngubani lowenta umuntfu abone nome abe yimphumphutse? Akusimi yini, mine Simakadze?

Taga 2:6

NguSimakadze lowephana ngekuhlakanipha; emlonyeni wakhe kuphuma lwati nekucondza.

Isaya 44:24

“Naku lokushiwo nguSimakadze, uMhlengi wakho, lowakubumba esiswini, utsi: NginguSimakadze, lowente tonkhe tintfo, yena yedvwa loweneke emazulu, lowendlala umhlaba ayedvwana,

Isaya 45:24

Bayawukhuluma ngami, batsi: ‘KuSimakadze kuphela kunekulunga nemandla.’ ” Bonkhe labemelene naye bayawuta kuye badliwe ngemahloni.

Jeremiya 17:10

“Mine Simakadze ngiphenya inhlitiyo, ngihlolisise nengcondvo, kuze ngimvuze umuntfu njengekwekutiphatsa kwakhe nanjengekwemisebenti yakhe.”

Matewu 26:39

Yena wachubeka libangana, wawa phansi ngebuso, athandaza atsi: “Babe, nakungenteka, yendlulise kimi lendzebe yelusizi. Kepha hhayi ngekufisa kwami, kodvwa kuye ngentsandvo yakho.”

Lukha 21:15

ngobe phela ngiyawuninika emavi nekuhlakanipha lekuyawubate nome sinye setitsa tenu lesiyawuba nemandla ekumelana nekuphikisana nani.

Johane 10:18

Kute longangemuka kuphila kwami. Ngikubeka phansi mine ngekwami. Nginawo emandla ekukubeka phansi, newekuphindze ngikutsatse futsi. Nguloko lengikutfunywe nguBabe kutsi ngikwente.”

Johane 12:49

Ngobe mine angikatikhulumeli ngekwami, kodvwa Babe, lokunguyena angitfumile, nguye longinike imiyalo yekutsi ngifanele ngitsini, ngikhulumeni.

Johane 12:50

Ngiyati kutsi imiyalo yakhe ikuphila lokuphakadze. Ngako-ke loko lengikushoko, ngikusho njengobe Babe angitjelile.”

Johane 14:10

Filiphu, awukholwa yini kutsi ngikuBabe, naBabe ukimi? Lamavi lengiwakhulume kini, angitikhulumeli mine, kodvwa Babe lohlala kimi nguye lowenta umsebenti wakhe ngami.

Johane 2:19

Jesu waphendvula watsi: “Bhidlitani lelithempeli, mine ngitalivusa, ngilakhe ngemalanga lamatsatfu.”

Johane 3:3

Jesu watsi kuye: “Ngicinisile, ngicinisile, ngitsi kuwe: Ngaphandle kwekutsi umuntfu atalwe kabusha ngekwasezulwini, angeke awubone umbuso waNkulunkulu!”

Johane 5:21

Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

Johane 6:38

Ngobe kwehla kwami ezulwini akusiko kutsi ngetela kutakwenta intsandvo yami, kepha kutakwenta intsandvo yalowo longitfumile.

Johane 8:28

Ngako Jesu wase utsi kubo: “Nase niyiphakamisile iNdvodzana yeMuntfu, nitakwati kutsi: ‘Mine Nginguye leNginguye;’ nekutsi futsi angenti lutfo ngekwami; kepha ngikhuluma loko, njengobe ngifundziswe nguBabe.

Johane 9:4

Kufanele sisebente imisebenti yalowo longitfumile, kusesemini; buyeta busuku, lapho kuyawubate loyawuba nemandla ekusebenta.

Imisebenti yebaPhostoli 2:24

Kodvwa Nkulunkulu wamvusa kulabafile; wamkhulula etinhlungwini tekufa, ngobe kwakungeke kwenteke kutsi kufa kumbambe.

KubaseRoma 6:4

Ngako-ke ngekubhajatiswa kwetfu sangcwatjwa kanye naye, kuze kutsi njengobe Khristu avuswa kulabafile ngemandla ebukhosi baBabe, kanjalo-ke natsi singayiphila imphilo lensha.

KubaseRoma 8:11

Kodvwa nangabe Moya waNkulunkulu lowavusa Jesu kulabafile, ahlala kini, lowo lowavusa Khristu Jesu kulabafile uyawuphindze aninike kuphila emitimbeni yenu lebhubhako niphile ngebukhona baMoya wakhe lohlala kini.

1 kubaseKorinthe 15:12

Kepha-ke nangabe kushunyayelwa kutsi Khristu uvusiwe kulabafile, basho kanjani laba labanye emkhatsini wenu kutsi kute lapha kuvuka kulabafile?

2 kubaseKorinthe 4:14

sati kutsi yena lowo Nkulunkulu lowavusa iNkhosi Jesu, natsi uyawusivusa kanye naJesu asetfule kanye nani kuye.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

Kubase-Efesu 3:16

kuze ngekwengcebo yebukhosi bakhe aniphe kuciniseka emandleni kumuntfu wangekhatsi ngaMoya wakhe.

KubaseFiliphi 3:21

Nguye loyawugucula simo sebuphansi bemtimba wetfu, ufane nemtimba wakhe wenkhatimulo, ngemandla akhe langahlela ngawo konkhe ngephansi kwakhe.

KubaseFiliphi 4:13

Nginemandla ekwenta konkhe ngaye Khristu longicinisako.

KubaseKholose 1:11

Sinincusela kutsi Nkulunkulu anicinise ngemandla ebukhosi bakhe, kuze kutsi nome sekuvelani kodvwa nine nisime, nime, nibeketele ngekujabula,

KubaseKholose 1:16

Ngobe konkhe kwadalelwa kuyo, lokusezulwini nalokusemhlabeni, lokubonakalako nalokungabonakali, nome-ke kutihlalo tebukhosi, nome kubukhosi, nome babusi, nome tiphatsimandla. Konkhe kwadalwa ngayo, futsi kwadalelwa yona.

1 kubaseThesalonika 4:14

Njengobe sikholwa kutsi Jesu wafa waphindze wavuka, kanjalo nalabo labafe bakuJesu: Nkulunkulu uyawubavusa ekufeni abaletse kanye naJesu.

1 yaPhetro 3:18

Khristu wafela tono tetfu, kwaba kanye, kwenela. Yena lolungile wafela labangakalungi, kuze animikise kuNkulunkulu. Wabulawa ngekwemtimba, kepha wavuswa ngaMoya waNkulunkulu.

Sembulo 2:23

Bantfwabakhe ngiyawubashaya bafe. Onkhe emabandla ayawukwati kutsi nginguye lophenyisisa ingcondvo nenhlitiyo. Ngulowo nalowo emkhatsini wenu ngiyawumnika njengekwemisebenti yakhe.