Johane 5:10 - Siswati 1996 Bible Ngako emaJuda atjela lendvodza lebeyiphilisiwe atsi: “Phela lamuhla liSabatha, awukavumeleki kwetfwala lelicansi.” |
“Nawugcina tinyawo takho tingalephuli liSabatha, ungakwenti loko lokutsandvwa nguwe ngelilanga lami lelingcwele, nawubita liSabatha ngekutsi lilanga lenjabulo nelilanga lelingcwele laSimakadze lelihloniphekile, futsi nawulihlonipha ngekungahambi ngendlela yakho, ungenti njengekutsandza kwakho, ungakhulumi emavi lalite,
Naku lokushiwo nguSimakadze, utsi: Caphelani ningawetfwali umtfwalo ngeliSabatha, nome niwungenise emasangweni aseJerusalema.
Kodvwa naningangilaleli mine, kutsi nigcine liSabatha lami lingcwele ngekutsi ningetfwali nalomncane umtfwalo ngesikhatsi nisangena emasangweni aseJerusalema ngeliSabatha, ngako ngiyawube sengilumeka umlilo longacimeki emasangweni aseJerusalema, loyawudla netinqaba tayo.’ ”
Kwakukhona indvodza leyayinesandla lesasishwaphene, bambuta batsi: “Kuvunyelwe yini kutsi kuphiliswe ngeliSabatha?” Phela babentela kutsi batemmangalela.
BaFarisi base batsi kuye: “Asubuke-ke labafundzi bakho! Bakwentelani ngeliSabatha loku lokungakavunyelwa ngumtsetfo?”
Wabuta kubo watsi: “Kulungile yini kwenta lokuhle ngeliSabatha, nome kwenta lokubi, kusita umuntfu nome kumyekelela aze afe?” Kepha bathula.
Siphatsimandla selisinagoge satfukutsela ngekutsi Jesu abesaphilise ngeliSabatha; ngako sakhuluma kubantfu satsi: “Asitfupha emalanga lesifanele sisebente ngawo; ngako-ke nibota ngalawo malanga kutewuphiliswa, kodvwa hhayi ngeliSabatha.”
Base babuyela ekhaya bayawulungisa emakha nemafutsa ekugcobisa sidvumbu. Baphumula ngeliSabatha, njengobe kusho umtsetfo.
Labanye baFarisi batsi: “Nikwenteleni loku, njengobe umtsetfo utsi anikafaneli kwenta loko ngeliSabatha?”
Lobu bufakazi baJohane mhlazana emaJuda atfumela baphristi nebaLevi, baphuma eJerusalema kutembuta batsi: “Wena ungubani?”
Yona yaphendvula yatsi: “Lona longiphilisile, nguye lotsite kimi: ‘Tsatsa licansi lakho uhambe.’ ”
Lendvodza yesuka lapho, yahamba yayawutjela emaJuda kutsi nguJesu lona labeyiphilisile.
Nangabe-ke umuntfu niyamsoka ngeliSabatha, kuze phela ningawephuli umtsetfo waMosi, pho, ningitfukutselelelani-ke mine nangiphilisa umuntfu ngeliSabatha?
Labanye baFarisi batsi: “Lomuntfu lowente loku akaphumi khona kuNkulunkulu, ngobe naku akawuhloniphi umtsetfo weliSabatha.” Labanye batsi: “Umuntfu losoni angatenta kanjani tibonakaliso letinje?” Kwaba khona kwehlukana emkhatsini wabo.