Johane 4:46 - Siswati 1996 Bible

Jesu wesuka lapho wancandzeka waya eKhana laseGalile, lapho agucula khona emanti aba liwayini. Bekunesiphatsimandla sakahulumende eKhaphanawume. Sasigulelwa ngumsa waso.

Johane 4:46 Referencias Cruzadas

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 78:34

Ngesikhatsi ababhubhisa babetiletsa kuye, baphendvuke bafunisise Nkulunkulu.

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Matewu 15:22

Umfati labengumKhenani wakuyo leyo ndzawo weta kuJesu akhala atsi: “Ngihawukele, Nkhosi! Ndvodzana yaDavide! Indvodzakati yami iphetfwe lidimoni kabi.”

Matewu 4:13

Wesuka eNazaretha wayawuhlala eKhaphanawume eceleni kwelwandle, eveni lakaZebuloni nelakaNaftali,

Matewu 9:18

Watsi Jesu asakhuluma loko, kwefika umphatsi welisinagoge, waguca embikwakhe watsi: “Indvodzakati yami isandza kufa nyalo, kodvwa kota ubeke sandla sakho etikwayo, itawuphila!”

Lukha 4:23

Watsi kubo: “Ngiyati kutsi nitangivulela lamavi alesiga lesitsi: ‘Nyanga tiphilise,’ niphindze futsi nitsi kimi: ‘Yenta nakuwo lomuti wakini letintfo leseva kutsi utentile eKhaphanawume!’ ”

Lukha 7:2

Indvuna yelibutfo lemaRoma yayinesisebenti leyayisitsandza kakhulu, sasigulela kufa.

Lukha 8:42

ngobe lesidzandzane sayo lekwakukuphela kwaso, sineminyaka leli-12, sasigulela kufa. Watsi Jesu asahamba, bantfu bamkaka ngala nangala.

Johane 2:12

Emvakwaloko, Jesu nenina, nabomnakabo, nebafundzi bakhe behlela eKhaphanawume, befika bahlala khona emalangana.

Johane 21:2

Simoni Phetro, naTomase, lotsiwa liPhahla, naNathanayeli waseKhana laseGalile, nemadvodzana aZebedi, nalabanye bafundzi baJesu lababili, bonkhe laba babendzawonye.

Joshuwa 19:28

Wawuhamba ucondze e-Abdoni, naseRehobu, naseHamoni, naseKhana, uze ufike eSidoni Lenkhulu.