Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”
Johane 3:2 - Siswati 1996 Bible Weta kuJesu ngalobunye busuku, wefike watsi: “Mfundzisi, siyati kutsi wena ungumfundzisi lophuma kuNkulunkulu. Ngobe kute umuntfu longenta timangaliso letingaka, nakate Nkulunkulu.” |
Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”
“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.
Kodvwa inkhosi Sedekiya yafunga lesifungo ngasense kuJeremiya, yatsi: “Ngifunga kuphila kwaSimakadze, lowasinika umphefumulo, ngingeke ngikubulale, futsi ngingeke ngikunikele nakulabo labatingela imphilo yakho.”
Base batfumela kuye labanye bafundzi babo kanye nemalunga ephathi yemaHerodi. Befike batsi: “Mfundzisi, siyati kutsi wena uneliciniso, ufundzisa indlela yaNkulunkulu ngeliciniso, awunaki muntfu, ngobe awubuki buso bemuntfu.
batsandza nekubingelelwa ngenhlonipho etimakethe, bantfu bababite ngekutsi: ‘Mfundisi!’
Kepha nine ningabobitwa ngumuntfu ngekutsi: ‘Mfundisi,’ ngobe nonkhe nibazalwane, munye uMfundzisi wenu.
Bafike batsi kuye: “Mfundzisi, siyati kutsi wena uneliciniso, awuwatsengi emehlo emuntfu ngobe awesatjiswa bunjalo bemuntfu. Ufundzisa indlela yaNkulunkulu ngeliciniso. Kulungile yini kukhipha umtselo kuKhesari, uMbusi wemaRoma, nome cha? Sifanele siwukhiphe yini nome singawukhiphi?”
Jesu watsi uyagucuka wababona bamlandzela, wababuta watsi: “Nifunani?” Bamphendvula batsi: “Rabi” (lokusho kutsi: “Mfundzisi”), “uhlalaphi?”
Kodvwa nangabe ngenta yona, nome ngabe anikholwa kimi, kholwani ngulemisebenti lengiyentako, kuze nitekwati, nihlale nati kutsi Babe uhlala kimi, nami ngihlala kuye.”
Kepha nome abetentile tibonakaliso letinyenti kangako embikwabo, abazange bakholwe kuye,
Filiphu, awukholwa yini kutsi ngikuBabe, naBabe ukimi? Lamavi lengiwakhulume kini, angitikhulumeli mine, kodvwa Babe lohlala kimi nguye lowenta umsebenti wakhe ngami.
Kube bengingakenti imisebenti lemikhulu lengazange seyentiwe ngumuntfu emkhatsini wabo, ngabe bate licala lesono, kodvwa manje sebangibonile base batondza naBabe.
Jesu wenta lesibonakaliso sakhe sekucala eKhana laseGalile, wabonakalisa bukhosi bakhe, bafundzi bakhe bakholwa nguye.
Jesu watsi kuye: “Mariya!” Wagucuka wasabela ngesiHebheru watsi: “Rabhuni,” lokusho kutsi: “Mfundzisi.”
Ngako-ke base beta kuJohane, befika batsi: “Mfundzisi, uyayikhumbula yini lendvodza bewunayo uyifakazela ngesheya kweJordane? Seyiyabhabhatisa nyalo, bonkhe bantfu sebaya kuyo!”
Kepha nginebufakazi lobukhulu kunebaJohane, ngobe imisebenti Babe langinike yona kutsi ngiyente, yona lemisebenti lengiyentako iyangifakazela kutsi ngitfunywe nguBabe.
Sicumbi lesikhulu sebantfu samlandzela, ngobe sasibone tibonakaliso labetente kulabagulako.
Kodvwa labanyenti kulesicumbi bakholwa nguye batsi: “Nasefikile Khristu, uyakwenta tibonakaliso letinyenti letendlula leti letentiwe ngulona yini?”
Labanye baFarisi batsi: “Lomuntfu lowente loku akaphumi khona kuNkulunkulu, ngobe naku akawuhloniphi umtsetfo weliSabatha.” Labanye batsi: “Umuntfu losoni angatenta kanjani tibonakaliso letinje?” Kwaba khona kwehlukana emkhatsini wabo.
Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.
“Madvodza aka-Israyeli, vanini lamavi! Jesu waseNazaretha abeyindvodza leyafakazelwa nguNkulunkulu embikwenu, ngemisebenti lemikhulu yemandla, nangetimangaliso kanye nangetibonakaliso letentiwa nguNkulunkulu ngaye; nani matfupha niyakwati loku, ngobe kwenteka emehlweni enu.
Ngekuboshwa kwami linyenti lebazalwane litfole sibindzi lesikhulu eNkhosini sekukhuluma livi laNkulunkulu ngekungesabi.
Ngako Gideyoni watsatsa tisebenti takhe letilishumi wenta njengobe atjelwe nguSimakadze. Kodvwa ngobe abesaba umndeni wakabo kanye nemadvodza alelo dolobha, loko wakwenta ebusuku, hhayi emini.