Johane 21:25 - Siswati 1996 Bible

Kodvwa kukhona letinye tintfo letinyenti Jesu latenta. Kube tonkhe tabhalwa phansi, ngabe nemhlaba lucobo ngeke ukhone kutigcina leto tincwadzi letingabe tabhalwa.

Johane 21:25 Referencias Cruzadas

Jobe 26:14

Lawa ngemacentselo nje emisebenti yakhe. Maye, lokukhulunywa ngaye sikuva kalufifi! Ngubani nje longakucondza kudvuma kwemandla akhe?”

Tihlabelelo 40:5

Yebo, Simakadze, Nkulunkulu wami, timangaliso losentele tona tinyenti, tingeke tibalwe, wasikhumbula tikhatsi letinyenti. Kute nome munye nje lofana nawe! Kube bengingatilandzisa tonkhe betingeke tibaleke tonkhe.

Tihlabelelo 71:15

Umlomo wami uyawulandza ngekulunga kwakho, uvakalise insindziso yakho onkhe emalanga, ngobe yinyenti ngehluleka nekuyikala.

Umshumayeli 12:12

Ndvodzana yami, caphela kungabikho lokwengetekako. Kubhalwa kwetincwadzi kungeke kuphele, kantsi nekufundza kakhulu kuyawudzinisa umtimba.

Amose 7:10

Amasiya, umphristi waseBetheli, watfumela sigijimi kuJerobowamu, inkhosi yaka-Israyeli, watsi: “Amose wakha luzungu ngawe embusweni waka-Israyeli. Live lingeke liwamele onkhe lamavi akhe.

Matewu 11:5

Timphumphutse setiyabona, tinchute netishosha setiyahamba, emalephelo ayahlanteka, tihhulu setiyeva, labafile bayavuswa, neliVangeli seliyashunyayelwa kulabamphofu.

Matewu 19:24

Futsi ngitsi kini: Kulula kutsi likamela lingene embotjeni yenyalitsi, kunekutsi umuntfu lonjingile angene embusweni waNkulunkulu.”

Makho 5:16

Labo lababebonile babachazela konkhe lokwakwentekile kulomuntfu labenemadimoni, nalokwakwentekile etihhontjini.

Imisebenti yebaPhostoli 10:38

Niyati futsi ngaJesu waseNazaretha, kutsi Nkulunkulu wamgcoba kanjani ngaMoya Longcwele nangemandla nekutsi waya kuyo yonkhe indzawo enta lokuhle aphilisa bonkhe lababecindzetelwe ngemandla aSathane, ngobe Nkulunkulu abenaye.

Imisebenti yebaPhostoli 20:35

Nginikhombisile kanyenti kutsi ngekusebenta kakhulu kanje kufanele sibasite labeswele, nikhumbule nemavi eNkhosi Jesu lawasho nakatsi: ‘Kubusisiwe kupha kunekwemukela.’ ”

KumaHebheru 11:32

Ngingachubeka ngitsini nje? Sikhatsi asingivumeli kutsi ngilandze ngaGideyoni, naBharaki, naSamsoni, naJafta, naDavide, naSamuweli, nebaphrofethi.