Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.
Johane 21:16 - Siswati 1996 Bible Waphindza Jesu watsi kuye: “Simoni, msa waJohane, uyangitsandza yini?” Watsi kuye: “Yebo, Nkhosi, uyati kutsi ngiyakutsandza.” Jesu watsi kuye: “Yelusa timvu tami.” |
Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.
Ngobe yena unguNkulunkulu wetfu, tsine sitimvu telidlelo lakhe, nesive lesisetandleni takhe. Lamuhla shangatsi ningalilalela livi lakhe nalitsi:
“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”
“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”
tonkhe tive temhlaba tiyawubutselwa embikwayo. Iyawubehlukanisa labanye kulabanye, njengemelusi ehlukanisa timvu netimbuti.
Lentfombatana yabuta Phetro yatsi: “Awusiye yini lomunye webafundzi balomuntfu?” Phetro watsi: “Cha, angisiye.”
Phetro abeseloku emile lapho otsa umlilo, base batsi kuye: “Awusiye yini lomunye webalandzeli balomuntfu?” Kodvwa Phetro wakuphika loko watsi: “Cha, angisiye.”
Waphindza futsi kwesitsatfu wambuta watsi: “Simoni, msa waJohane, uyangitsandza yini?” Phetro wadzabuka enhlitiyweni yakhe, ngobe Jesu abesambute katsatfu atsi: “Uyangitsandza yini?” Phetro wamphendvula watsi: “Nkhosi, wati konkhe nje wena, uyati kutsi ngiyakutsandza.” Jesu watsi kuye: “Yondla timvu tami.
Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.
Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,
Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.
Yelusani umhlambi waNkulunkulu leniwuphetse, hhayi ngekucindzetelwa, kodvwa ngenhlitiyo levumako njengobe Nkulunkulu atsandza kutsi nente, hhayi ngekunaka inkhokhelo nje, kodvwa ngenshisekelo yekukhonta.
Ngobe liWundlu laNkulunkulu lelisenkhabeni yesihlalo sebukhosi, liyawubelusa, libaholele emitfonjeni yemanti ekuphila. Nkulunkulu uyakwesula tonkhe tinyembeti tabo emehlweni abo.”