Ngifunga kuphila kwaSimakadze Nkulunkulu wakho kutsi inkhosi yami kute umbuso lapho ingakaze yatfumela khona umuntfu kutsi ayekukufuna. Bekutsi sive nome umbuso nawukulandvula utsi awukho, awufungise kutsi vele ungeke utfolakale lapho kuwo.
Johane 18:4 - Siswati 1996 Bible Ngako Jesu, akwati konkhe lokwakutamehlela, wasondzela embikwabo watsi: “Nifuna bani?” |
Ngifunga kuphila kwaSimakadze Nkulunkulu wakho kutsi inkhosi yami kute umbuso lapho ingakaze yatfumela khona umuntfu kutsi ayekukufuna. Bekutsi sive nome umbuso nawukulandvula utsi awukho, awufungise kutsi vele ungeke utfolakale lapho kuwo.
Kodvwa ngamphendvula ngatsi: “Indvodza lenjengami ingabaleka yini iyewubhaca? Empeleni umuntfu lofanana nami angabaleka yini, abalekele kufa ayewubhaca ethempelini? Ngingeke ngiye!”
Nome ngingavinjetelwa yimphi, inhlitiyo yami ingeke yesabe; nome titsa tingangihlasela, noko ngiyawuhlala nginelitsemba kuNkulunkulu.
Bantfu angibesabi, nome bangaba ngemashumi etinkhulungwane labangivimbetele ndzawo tonkhe.
Bantfu lababi babaleka ngisho nome kute umuntfu lobacoshako; kodvwa lolungile unesibindzi lesinjengeselibhubesi.
Kusukela lapho Jesu wacala wakhuluma ngalokusebaleni nebafundzi bakhe watsi: “Kufanele ngiye eJerusalema, ngiyewuhlushwa tibondza telibandla, nebaphristi labakhulu, nebafundzisi bemtsetfo. Ngitawubulawa, kodvwa ngelilanga lesitsatfu ngiyawuvuswa.”
“Njengobe nati kutsi sekusele emalanga lamabili kutsi kube nguMkhosi weliPhasika, iNdvodzana yeMuntfu itawunikelwa kuze ibetselwe esiphambanweni.”
Batsi basadla, Jesu watsi kubo: “Ngicinisile, ngitsi kini: Lomunye wenu utangitsengisa.”
Jesu watsi kubo: “Nonkhe nitangihlamuka kulobusuku, ngobe umBhalo utsi: “ ‘Ngitawushaya ngibulale umelusi, umhlambi wetimvu uhlakateke.’
Wase utsi kubo: “Ngito-ke letintfo lenganginitjela tona ngisenani, kutsi konkhe lokubhaliwe ngami emtsetfweni waMosi, nasemiBhalweni yebaphrofethi, naseTihlabelelweni bekufanele kugcwaliseke.”
Kwatsi sekutakusa kube lilanga lelilandzelwa nguMkhosi weliPhasika, Jesu ati kutsi sikhatsi sakhe sesifikile sekutsi awushiye lomhlaba aye kuYise, njengobe abebatsandzile bakhe emhlabeni, wabatsandza kwaze kwaba ngusekugcineni.
Bamphendvula batsi: “Jesu waseNazaretha.” Jesu watsi kubo: “Ngimi.” Judasi, lowamtsengisa, bekeme nabo.
Jesu waphindza wababuta watsi: “Kantsi nifuna bani?” Bamphendvula batsi: “Jesu waseNazaretha.”
Ngaleso sikhatsi Jesu besati kutsi konkhe sekuphelele, kuze kugcwaliseke umBhalo, watsi: “Ngomile.”
Noko bakhona labanye lapha emkhatsini wenu labangakholwa.” Ngobe Jesu bekati kwasekucaleni kutsi bobani labangakholwa, nekutsi ngubani labetamtsengisa.
Ungikhombisile tindlela letingiholela ekuphileni, ngebukhona bakho uyawungigcwalisa ngekujabula.’
Njengobe naKhristu wahlupheka emtimbeni ngenca yenu, nani hlomani ngalowo mcondvo, ngobe umuntfu lowake wahlupheka emtimbeni usuke asacedzile ngesono.