Johane 17:6 - Siswati 1996 Bible “Ligama lakho ngilatisile kulabo longiphe bona. Babevele babakho, wangipha bona. Baligcinile livi lakho. |
Ngiyawulimemetela kubomnaketfu libito lakho ngikudvumise emkhatsini welibandla, ngitsi:
Kodvwa noko kuze kube manje ngisakuphephisile, khona ngitekukhombisa emandla ami, nekutsi libito lami litewudvunyiswa emhlabeni wonkhe.
Kuhlakanipha kutawungena enhlitiyweni yakho, nelwati lube yinjabulo emphefumulweni wakho.
Tsenga liciniso ungatsengisi ngalo. Zuza kuhlakanipha, nemiyalo, nekucondza konkhe; ungakhohlwa ngiko.
Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.
Babe, dvumisa ligama lakho.” Kusenjalo kwefika livi livela ezulwini litsi: “Sengilidvumisile, ngisetalidvumisa futsi.”
Kube benibelive, live belitanitsandza. Kodvwa anisibo belive, ngobe nganikhetsa eveni. Ngako-ke live liyanitondza.
Ngisesenabo, ngabalondvolota egameni lakho lowangipha lona. Ngabalondvolota, kwabate ngisho namunye emkhatsini wabo lowalahleka, ngaphandle kwalowo labesafanele kulahlwa, kuze kugcwaliseke imiBhalo.
Ngibanikile livi lakho; live labatondza ngobe bangesibo belive, njengobe nami ngingesiye walelive.
Ngobe uyiphe emandla ngetulu kwabo bonkhe bantfu, kuze itebapha kuphila lokuphakadze bonkhe labo loyiphe bona.
“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.
Ngibatisile libito lakho, futsi ngisetawuchubeka ngente njalo, kuze kutsi lutsandvo longitsandze ngalo lube khona nakubo, nami ngibe kubo.”
Loku wakusho kuze kutewugcwaliseka livi labesalikhulumile kuYise lekutsi: “Babe, kute ngisho namunye lowalahleka kulaba lowangipha bona.”
Intsandvo yalona longitfumile kutsi ngingalahlekelwa lutfo kuko konkhe loko langiphe kona, kepha ngikuvuse ngemhla wekuphela.
Ngicinisile, ngicinisile, ngitsi kini: Nangabe umuntfu agcina livi lami, angeke akubone kufa nini nanini.”
EmaJuda atsi kuye: “Cha, sesibonile ngempela kutsi unelidimoni. Abrahama wafa, nebaphrofethi futsi bafa. Kepha wena utsi: ‘Lowo lowenta livi lami, angeke afe.’
Lapho betive beva loko, batfokota badvumisa livi leNkhosi; nalabo labebakhetselwe kuphila lokuphakadze bakholwa.
Nkulunkulu akazange asilahle sive sakhe lasikhetsanchanti. Anati yini kutsi umBhalo utsini nga-Elija, nakamangalela ema-Israyeli kuNkulunkulu?
Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.
Livi laKhristu alihlale ngekhatsi kwenu liphuphume. Fundzisanani niyalane ngekuhlakanipha konkhe, nifundzisane ngemahubo nangetingoma, nangemaculo akaMoya. Nihlabelele Nkulunkulu ngekumbonga etinhlitiyweni tenu.
Hamba ngekukholwa nangelutsandvo lolukuKhristu Jesu. Ulandzele etinyatselweni temavi lacinile lengakufundzisa wona.
utsi: “Ngiyawushumayela kubomnaketfu libito lakho, ngihlabelele ngawe emkhatsini welibandla.”
Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].
Lencwadzi iphuma kuPhetro, umphostoli waJesu Khristu; iya kulabakhetsiwe lababakhoseli labasakatekele ePhontusi, naseGalathiya, naseKhaphadosiya, nase-Asiya, naseBhithiniya.
Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.
Ngiyati lapho uhlala khona; uhlala lapho Sathane anesihlalo sakhe sebukhosi khona. Libito lami ulibambisisile, awuzange ungihlubuke ngisho namhlazane Antipasi, fakazi wami lowetsembekile, abulawa emkhatsini wenu, lapho kuhlala khona Sathane.
Njengobe uligcinile livi lami lekucinisela ngekubeketela, ngitakugcina ngesikhatsi sekulingwa lesitawufika emhlabeni wonkhe, sitewulinga bonkhe labo labahlala emhlabeni.
Ngiyayati imisebenti yakho. Lalela la, ngikuvulele umnyango, kute namunye longawuvala; ngiyati kutsi unemandla lamancane, kantsi livi lami uligcinile, nelibito lami awuzange uliphike.