Johane 15:18 - Siswati 1996 Bible

“Nangabe live liyanitondza, nibokhumbula kutsi lacala latondza mine.

Johane 15:18 Referencias Cruzadas

1 Emakhosi 22:8

Inkhosi Ahabi yaphendvula Jehoshafati, yatsi: “Usekhona munye lesingabuta ngaye kuSimakadze, kodvwa ngiyamenyanya, ngobe akaze nje aphrofethe lokuhle ngami, kodvwa uphrofetha lokubi kodvwa. NguMikhaya, umsa waJimla.” Jehoshafati waphendvula watsi: “Inkhosi ayikafaneli kukusho loko.”

Taga 29:27

Labalungile bayabatondza lababi; nalababi bayabatondza labalungile.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Zakhariya 11:8

Nganyanga yinye ngesusa labelusi labatsatfu. Umhlambi wangenyanya, nami ngadzinwa nguwo,

Matewu 10:22

Niyawutondvwa bantfu bonkhe ngenca yelibito lami; kodvwa lokhutsatelako kuze kubesekupheleni, uyawusindziswa.

Matewu 24:9

“Lapho-ke bayawuninikela etinhlungwini, banibulale. Tonkhe tive tiyawunitondza ngenca yelibito lami.

Matewu 5:11

“Nibusisiwe nabanetfuka, banitingele, banihluphe, bakhulume konkhe lokubi ngani, banicalele emanga ngami.

Makho 13:13

Niyawutondvwa ngabo bonkhe ngenca yeligama lami. Kepha lowo loyawucinisela kuze kube ngusekugcineni, uyakusindziswa.”

Lukha 6:22

“Nibusisiwe, bantfu nabanitondza banishalatela ngekuninyembenya, banetfuka banigceke batsi anikalungi, ngenca yeNdvodzana yeMuntfu.

Johane 16:1

“Loku-ke nginitjelele kutsi ningalahlekelwa kukholwa kwenu.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Johane 3:20

Umuntfu lowenta lokubi uyakutondza kukhanya; aketi ekukhanyeni, funa imisebenti yakhe ibonakale ebaleni.

Johane 7:7

Live lingeke linitondze nine, kodvwa mine liyangitondza, ngobe ngifakaza ngalo kutsi imisebenti yalo mibi.

Imisebenti yebaPhostoli 14:22

Bacinisa emakholwa bawakhutsata ekubambeleleni ekukholweni. Babafundzisa kutsi: “Sifanele sendlule ekuhluphekeni lokunyenti kuze singene embusweni waNkulunkulu.”

KumaHebheru 12:2

emehlo etfu angesuki kuJesu longumsunguli nemphelelisi wekukholwa kwetfu. Ngenca yekujabula labekubekelwe Jesu wacinisela ngekwetfwala siphambano, wangete walinaka lihlazo laso; wahlala ngesekudla sesihlalo sebukhosi saNkulunkulu.

YaJakobe 4:4

Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.

1 yaJohane 3:1

Ase nibuke lutsandvo lolungaka Babe lasinike lona kutsi sibitwe ngekutsi sibantfwana baNkulunkulu; futsi vele singabo. Ngako-ke live alisati tsine, ngobe alimatanga yena.

1 yaJohane 3:13

Ningamangali, bazalwane, nanitondvwa live.

1 yaJohane 3:3

Wonkhe umuntfu lonalo lelo tsemba kuKhristu uyatihlambulula, njengobe naKhristu ahlambulukile.