Johane 15:11 - Siswati 1996 Bible

“Senginitjele konkhe loku, kuze kutsi kujabula kwami kuhlale kini, nekutsi kujabula kwenu kupheleliswe.

Johane 15:11 Referencias Cruzadas

Isaya 53:11

Emvakwekuhlupheka kwemphefumulo wayo iyawukubona kukhanya kwekuphila, yeneliswe, ngelwati lwayo inceku yami lelungile iyakwenta labanyenti bemukeleke kuNkulunkulu kutsi balungile, njengobe yetfwele tiphambuko tabo.

Isaya 62:4

Abasayiwukubita ngekutsi unguLahliwe, nome betse live lakini batsi nguShiywayedvwa. Kodvwa uyawubitwa ngekutsi unguHefsiba, nelive lakini kutsiwe yiBhewula, ngobe Simakadze uyawujabula ngawe, nelive lakini liyakwendza kuye.

Jeremiya 32:41

Ngiyawujabula kubentela lokuhle, ngempela ngiyawubahlanyela kulelive ngayo yonkhe inhlitiyo yami nangawo wonkhe umphefumulo wami.

Jeremiya 33:9

Ngako lelidolobha liyawungiletsela ludvumo, nekujabula, netibongo kanye nekuhlonishwa kuto tonkhe tive temhlaba letiyakuva ngato tonkhe letintfo letinhle lengilentela tona, futsi tiyawumangala titfutfumele ngalobunyenti bemnotfo lophuphumako lengilinika kona.’

Zefaniya 3:17

Simakadze Nkulunkulu wakho unawe, unemandla ekusindzisa. Uyawukujabulela kakhulu wena, uyawukupha kuthula ngelutsandvo lwakhe; uyawukujabulela ngekuhlabela.”

Lukha 15:23

Nifune litfole lelihle lelikhuluphele nilihlabe sitewudla sijabule.

Lukha 15:32

Kepha kusifanele kutsi sijabule sidle ngekutfokota, ngobe umnakenu abefile, kepha manje sewuyaphila; abelahlekile, kepha manje sewutfolakele.’ ”

Lukha 15:5

Angatsi nase ayitfolile, atfokote ayetjatse ehlombe abuyele nayo ekhaya.

Lukha 15:9

Atsi angalutfola, ameme tihlobo takhe, nabomakhelwane bakhe atsi kubo: ‘Tfokotani kanye nami, ngobe sengilutfolile luhlavu lebelulahlekile.’ ”

Johane 16:24

Sekuze ngunyalo anikaceli lutfo egameni lami. Celani nitawuphiwa, kuze kutfokota kwenu kuphelele.”

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Johane 17:13

“Kodvwa manje sengita kuwe, letintfo ngitikhuluma ngiselapha emhlabeni, khona batewuba nekutfokota lokuphelele etinhlitiyweni tabo.

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

2 kubaseKorinthe 1:24

Asisho kutsi tsine sitikhulu etikwekukholwa kwenu, kodvwa sibambisene nani ekusebenteleni kujabula kwenu, ngobe nisimile ekukholweni.

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

KubaseFiliphi 1:25

Kuloko ngineliciniso, futsi nginelitsemba lekutsi ngisetawuphila. Ngisetawuhlala nani nonkhe nginisite kutsi nikhule ekukholweni kwengeteke injabulo yenu,

1 kubaseThesalonika 5:16

Tfokotani njalo.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

1 yaJohane 1:4

Ngako-ke sibhala loku kuze kutsi kujabula kwetfu kuphelele.

2 yaJohane 1:12

Nome nginalokunyenti lenginganitjela kona, angite ngakubhala phansi; kepha ngetsemba kutsi ngitakuta ngitenibona ngikhulume nani umlomo nemlomo, khona sitewujabula ngalokuphelele.