Johane 14:9 - Siswati 1996 Bible

Jesu watsi kuye: “Senginesikhatsi lesidze nginani, kodvwa nanyalo awukangati, Filiphu? Lowo losabone mine, umbonile naBabe. Usho kanjani kutsi: ‘Sibonise uYihlo’?

Johane 14:9 Referencias Cruzadas

Genesisi 26:9

Ngako-ke Abimeleki wabita Isaka wambuta watsi: “Kantsi vele ngumkakho yini lo! Kepha ukwentelani lokuhambe utsi ngudzadzewenu?” Isaka wamphendvula watsi: “Kungobe bengicabanga ngitsi: ‘Ngingahle ngife ngenca yaRebheka!’ ”

Tihlabelelo 11:1

KuSimakadze ngitfole siphephelo. Pho, ngabe ningeluleka njani nanitsi: “Ndizela entsabeni njengenyoni!

Jeremiya 2:23

“Ungasho kanjani-ke utsi: ‘Angikangcoliswa, angikabalandzeli boBhali’? Ase ubuke kutsi watiphatsa njani esihosheni, cabangisisa ngaloko lokwentile. Ulikamela lelisikati leligijima kakhulu, leligijima lapha nalapha,

Makho 9:19

Wabaphendvula watsi: “Awu, situkulwane lesingakholwa, kuyawudzimate kube ngunini nginani? Kuyawudzimate kube ngunini nginibeketelela? Mletseni la kimi!”

Lukha 12:56

Batentisi! Ngekubuka umhlaba nesibhakabhaka niyakwati kufundza lesikushoko; pho, nehlulwa yini kufundza inchazelo yaletikhatsi talamuhla?”

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 10:30

Mine naBabe simunye.”

Johane 12:45

Lowo lobona mine, ubona lowo longitfumile.

Johane 14:20

Ngalelo langa nine niyakwati kutsi ngikuBabe nekutsi nine nikimi, njengobe nami ngikini.

Johane 14:7

“Kube beningati mine ngabe niyamati naBabe. Kepha kusukela manje niyamati, nimbonile.”

Johane 8:19

Base batsi kuye: “Uphi uyihlo?” Jesu wabaphendvula watsi: “Aningati mine, naBabe animati. Kube beningati mine, ngabe naBabe niyamati.”

1 kubaseKorinthe 15:12

Kepha-ke nangabe kushunyayelwa kutsi Khristu uvusiwe kulabafile, basho kanjani laba labanye emkhatsini wenu kutsi kute lapha kuvuka kulabafile?

KubaseFiliphi 2:6

lowatsi anesimo saNkulunkulu, wangete washo kutsi kulingana naNkulunkulu kuyintfo yekunkonkoshelwa.

KubaseKholose 1:15

INdvodzana ingumfanekiso waNkulunkulu longabonwa ngemehlo enyama, futsi ngiyo yematubulo ayo yonkhe indalo.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

1 yaJohane 5:20

Siyati kutsi iNdvodzana yaNkulunkulu ifikile yasipha kucondzisisa kahle, khona sitewumati Nkulunkulu longuye sibili; tsine-ke sikuye Nkulunkulu sibili, eNdvodzaneni yakhe lenguJesu Khristu. Nguye longuNkulunkulu sibili, nalokuphila lokuphakadze.