Johane 14:27 - Siswati 1996 Bible

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

Johane 14:27 Referencias Cruzadas

2 Tikhronike 20:30

Umbuso waJehoshafati waba nekuthula, ngobe Nkulunkulu abesamnike kuphumula ndzawana tonkhana letatimtungeletile.

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Tihlabelelo 11:1

KuSimakadze ngitfole siphephelo. Pho, ngabe ningeluleka njani nanitsi: “Ndizela entsabeni njengenyoni!

Tihlabelelo 112:7

Imibiko lemibi ayimesabisi, inhlitiyo yakhe icinile, yetsembele kuSimakadze.

Tihlabelelo 27:1

Simakadze usibane sami nensindziso yami. Ngiyakwesaba bani? Simakadze uyinqaba yami yekufihla kuphila kwami. Pho, ngubani lengingamesaba?

Tihlabelelo 28:3

Ungangilahli kanye nalababi, ungangilahli kanye nalabenta lokubi, labakhuluma kuthula nabomakhelwane babo, kantsi etinhlitiyweni tabo bamumetse bubi.

Tihlabelelo 29:11

Simakadze bantfu bakhe uyawubanika emandla! Simakadze, bantfu bakhe uyawubabusisa ngekuthula!

Tihlabelelo 56:11

Ngetsembele kuNkulunkulu, angesabi lutfo. Pho, umuntfu angangentani nje?

Tihlabelelo 56:3

Mhlazana ngifikelwa kwesaba ngiyawubeka litsemba lami kuwe.

Tihlabelelo 72:2

Shangatsi ingehlulela sive sakho ngekulunga, nalabamphofu ibaphatse ngebucotfo.

Tihlabelelo 72:7

Shangatsi ngemalanga ayo kungandza kulunga, kwandze nekuthula siphelane.

Tihlabelelo 85:10

bese kuhlangabetana umusa neliciniso, kwangane kulunga nekuthula.

Tihlabelelo 91:5

Awudzingi kwesaba tingoti tasebusuku, nemicibisholo lentjuzako emini,

Taga 3:25

Ungesabi kutunywa yinhlekelele yengoti nekuhlaselwa bantfu lababi;

Isaya 12:2

Impela, Nkulunkulu uyinsindziso yami; ngiyakumetsemba ngingesabi, Simakadze, Simakadze ungemandla ami nengoma yami; nguye loyinsindziso yami.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 41:14

Ungesabi, wena mphetfu, Jakobe, awu, mntfwanyana, Israyeli, ngobe mine matfupha ngitakusita,” kusho Simakadze, uMhlengi wakho, Longcwele waka-Israyeli.

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Isaya 57:19

ngidale tibongelelo etindzebeni temlomo walabalilako baka-Israyeli. Kuthula, kuthula, kulabo labakhashane nalabasedvute,” kusho Simakadze, “ngitawubaphilisa.”

Isaya 9:6

Ngobe tsine sitalelwe umntfwana, siphiwe indvodzana. Umbuso uyawubasemahlombe akhe. Uyawutsiwa nguMeluleki Lomangalisako, nguNkulunkulu Lonemandla, nguBabe Waphakadze, yiNkhosi Yekuthula.

Jeremiya 1:8

Ungabesabi, ngobe mine nginawe, futsi ngiyawukuphephisa,” kusho Simakadze.

Sililo 3:17

Ngidlelelwe kuthula, ngadzimate ngakhohlwa nekutsi kuyini kuphumelela.

Hezekeli 2:6

Wena-ke, ndvodzana yemuntfu, ungabesabi ngisho nemavi abo. Ungesabi ngisho nome tinchachabutane nemanyeva sekukutungeletile, yebo, nome sewuhlala emkhatsini wabofecela. Ungakwesabi loko labakushoko, futsi ungesatjiswa ngibo, lite nome bayindlu yekuhlubuka nje.

Danyela 4:1

Inkhosi Nebukhadnezari yatfumela nankhu umlayeto kubantfu, netive, nebantfu bato tonkhe tilwimi emhlabeni wonkhe, jikelele, watsi: “Philani nonkhe bekunene!

Danyela 6:25

Inkhosi Dariyusi yabhalela bonkhe bantfu, netive, nebantfu bato tonkhe tilwimi emhlabeni wonkhe jikelele, yatsi: “Nginifisela inchubekela embili!

Zakhariya 6:13

Nguye-ke longuyena loyawukwakha lithempeli laSimakadze. Uyawukwembatsiswa bukhosi, futsi uyawuhlala esihlalweni sakhe sebukhosi abuse. Uyawuba ngumphristi esihlalweni sakhe sebukhosi. Futsi-ke kuyawuba nekuvana emkhatsini walababili.’

Numeri 6:26

Shangatsi Simakadze angaphakamisela buso bakhe ngakuwe, akuphe nekuthula.’

Matewu 10:26

“Ningabesabi-ke bantfu, ngobe kute lokumbonyiwe lokungayikwembulwa, nalokufihlakele lokungayikwatiwa.

Lukha 1:79

kuletse kukhanya kulabo labasebumnyameni nasetfuntini lekufa, acondzise tinyawo tetfu endleleni yekuthula.”

Lukha 10:5

Nome ngukuyiphi indlu leningena kuyo nibotsi: ‘Kuthula akube kulendlu!’

Lukha 12:4

“Ngiyanitjela, tihlobo tami, ngitsi: Ningabesabi labo lababulala umtimba kodvwa bangenamandla ekwenta lokubi lokungetulu kwaloko.

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Johane 14:1

“Inhlitiyo yenu ingakhatsateki, kholwani nguNkulunkulu nikholwe nangimi.

Johane 16:33

Senginitjele loku, kuze nitewuba nekuthula kimi. Eveni niyawuhlupheka nibe nelusizi. Kodvwa manini sibindzi, ngobe mine ngilincobile live.”

Johane 20:19

Kwatsi kusihlwa kwangalelo Sontfo bafundzi bakhe batikhiyele endlini ngekwesaba emaJuda, Jesu wefika kubo, bambona aseme emkhatsini wabo watsi: “Kuthula akube kini!”

Johane 20:21

Jesu waphindza futsi watsi kubo: “Kuthula akube kini! Njengaloku Babe angitfumile mine, nami ngiyanitfuma.”

Johane 20:26

Kwatsi sekwendlule liviki bafundzi bakhe bandzawonye futsi kuyona leyondlu, naTomase akhona, iminyango ikhiyiwe, Jesu wefika wema emkhatsini wabo, watsi: “Kuthula akube kini!”

Imisebenti yebaPhostoli 10:36

Niyalati livi lalitfumela kubantfu baka-Israyeli, ashumayela liVangeli lekuthula ngaJesu Khristu, loyiNkhosi yabo bonkhe bantfu.

Imisebenti yebaPhostoli 18:9

Kepha kwatsi ngalelinye lilanga ebusuku Pawula wabona umbono, iNkhosi yatsi kuye: “Ungesabi, chubeka ukhulume ungabindzi,

KubaseRoma 1:7

Lencwadzi iya kubo bonkhe labatsandzekako baNkulunkulu labaseRoma, lababitelwa kutsi babe ngulabangcwele. Akube kini umusa nekuthula lokuvela kuBabe wetfu Nkulunkulu naseNkhosini Jesu Khristu.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

KubaseRoma 5:1

Njengobe sesentiwe semukeleka kuNkulunkulu kutsi silungile ngekukholwa, sesinekuthula naNkulunkulu ngeNkhosi yetfu Jesu Khristu.

KubaseRoma 5:10

Ngobe nangabe kwatsi sisetitsa satfola kubuyisana naNkulunkulu ngekufa kweNdvodzana yakhe, kakhulu kanganani-ke nase sibuyisene naye siyawusindziswa ngekuphila kwayo.

KubaseRoma 8:6

Kunaka kwenyama kukufa, kodvwa kunaka kwaMoya kukuphila nekuthula.

1 kubaseKorinthe 1:3

Akube kini umusa nekuthula lokuvela kuNkulunkulu longuBabe wetfu, naseNkhosini yetfu Jesu Khristu.

KubaseGalathiya 1:3

Akube kini umusa nekuthula lokuvela kuNkulunkulu, longuBabe, nakuJesu Khristu, iNkhosi.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 6:16

Kuthula nemusa akube kubo bonkhe labahamba ngalomyalo, ema-Israyeli aNkulunkulu.

KubaseFiliphi 4:7

Kuthula kwaNkulunkulu lokwendlula konkhe kwati kutawulondvolota tinhlitiyo tenu nemicabango yenu kuKhristu Jesu.

KubaseKholose 1:2

Iya kubazalwane labangcwele baseKholose, labakholwa nguKhristu Jesu ngekwetsembeka. Akube kini umusa nekuthula lokuvela kuNkulunkulu, longuBabe wetfu.

KubaseKholose 1:20

kuze kutsi ngaye abuyisane netintfo tonkhe letisemhlabeni naletisezulwini, akhe kuthula ngengati yesiphambano sakhe.

KubaseKholose 3:15

Kuthula kwaKhristu, lenabitelwa kuko emtimbeni munye, akubuse etinhlitiyweni tenu; futsi netayele kubonga.

2 kubaseThesalonika 1:2

Akube kini umusa nekuthula lokuvela kuNkulunkulu, longuBabe, naseNkhosini Jesu Khristu.

2 kubaseThesalonika 3:16

Shangatsi iNkhosi lengumtfombo wekuthula inganinika kuthula ngaso sonkhe sikhatsi ngetindlela tonkhe. INkhosi ayibe nani nonkhe.

2 kuThimothi 1:7

Ngobe Nkulunkulu akasiphanga umoya webugwala, kodvwa wasipha Moya wemandla, newelutsandvo, newekutekhuta.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

KumaHebheru 7:2

Abrahama wamnika kwelishumi kwako konkhe labekutfumbile. Lelibito lakhe lelitsi Melkhisedeki lisho kutsi: “INkhosi Yekulunga”; kantsi leli lelitsi iNkhosi yaseSalema lisho kutsi: “INkhosi Yekuthula”.

Sembulo 1:4

Lencwadzi iphuma kuJohane, iya emabandleni lasikhombisa lase-Asiya. Akube kini umusa nekuthula lokuvela kuye labekhona, nalokhona, nalotako, nakuyo imimoya lesikhombisa lesembikwesihlalo sakhe sebukhosi,

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.

Sembulo 21:8

Kodvwa sabelo semagwala, nalabangakholwa, nalabanengekako, nebabulali, netingwadla, netiphingi, nebatsakatsi, nalabakhonta tithico, nalabacala emanga, kuyawuba lichibi lelivutsa umlilo nesibabule; loku kufa kwesibili.”