Johane 14:13 - Siswati 1996 Bible

Ngiyakwenta nome ngabe yini leniyicelako egameni lami, kuze inkhatimulo yaBabe ibonakaliswe eNdvodzaneni.

Johane 14:13 Referencias Cruzadas

Matewu 21:22

Konkhe leniyakucela ngekukhuleka nikholwa, niyakukwemukeliswa.”

Matewu 7:7

“Celani, nitawuphiwa; funani, nitakutfola; nconcotsani, nitakuvulelwa.

Makho 11:24

Ngako-ke ngitsi kini: Konkhe leniyawukucela ngemkhuleko, kholwani kutsi seninako, niyawube seniyaphiwa-ke.

Lukha 11:9

“Ngako-ke ngiyanitjela ngitsi kini: Celani, niyawunikwa; funani, niyawutfola; nconcotsani, niyawuvulelwa umnyango;

Johane 10:30

Mine naBabe simunye.”

Johane 12:44

Jesu wakhuluma ngelivi lelikhulu watsi: “Lowo lokholwa ngimi, akakholwa ngimi kodvwa ukholwa ngulowo longitfumile.

Johane 13:31

Ngako-ke asaphumile Judasi, Jesu watsi: “Manje iNdvodzana yeMuntfu ikhatimulisiwe, naNkulunkulu ukhatimulisiwe kuyo.

Johane 14:14

Nanicela nome yini kimi egameni lami, ngiyawunentela yona.”

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Johane 15:7

Nanihlala kimi nemavi ami ahlala kini, niyawucela lenikutsandzako, nikuphiwe.

Johane 16:23

“Ngalelo langa aniyiwubuta lutfo kimi. Ngicinisile, ngicinisile, ngitsi kini: Nome ngabe yini leniyicela kuBabe, uyawuninika yona egameni lami.

Johane 16:26

Ngalelo langa niyawucela ngelibito lami; angisho nekutsi ngiyawunicelela mine kuBabe.

Johane 16:7

Kodvwa noko nginitjela liciniso: Kuncono kini kutsi ngihambe, ngobe nangingahambi, angeke ete kini uMeluleki. Kodvwa nangihamba, ngitamtfumela kini.

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

Johane 5:19

Ngako Jesu wabaphendvula watsi: “Ngicinisile, ngicinisile, ngitsi kini: INdvodzana ingeke itentele lutfo ngekwayo, kuphela yenta loko lebona uYise akwenta, ngobe loko lakwentako yena, neNdvodzana iyakwenta.

Johane 7:37

Kepha ngelilanga lelikhulu lekugcina lemkhosi, Jesu wasukuma wema, wamemeta ngelivi lelikhulu watsi: “Nakukhona lowomile, akete kimi anatse.

1 kubaseKorinthe 14:13

Ngako-ke lokhuluma ngetilimi, akakhulekele kutsi akwati kutihumusha.

Kubase-Efesu 2:18

Ngobe ngaye sobabili sinekungena ngaMoya munye kuYise.

Kubase-Efesu 3:12

Ngaye sinekuciniseka nesibindzi sekusondzela kuNkulunkulu ngekukholwa kwetfu.

Kubase-Efesu 3:14

Ngenca yalesizatfu-ke, ngiguca ngemadvolo embikwaBabe,

KubaseFiliphi 4:13

Nginemandla ekwenta konkhe ngaye Khristu longicinisako.

KubaseKholose 3:17

Konkhe lenikwentako kwenteni ngelibito leNkhosi Jesu, nome ngelivi, nome ngemisebenti, nibonge Nkulunkulu uYise ngaye.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.

YaJakobe 5:16

Ngako-ke vumani tono tenu lomunye kulomunye, nithandazelane, kuze nitewuphiliswa. Kuncusa kwemuntfu lolungile kunemandla kakhulu.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.

1 yaJohane 3:22

Konkhe lesikucelako uyasipha, ngobe siyigcina imiyalo yakhe, futsi senta lokutsandzeka emehlweni akhe.

1 yaJohane 5:14

Sinesibindzi kutsi nasicela lutfo kuNkulunkulu ngekwentsandvo yakhe, uyasiva.