Johane 10:16 - Siswati 1996 Bible

Nginaletinye timvu letingesito noko takulesibaya, nato futsi kufanele ngitiletse, titakuliva livi lami. Titawuba mhlambi munye tonkhe nemelusi munye.

Johane 10:16 Referencias Cruzadas

Genesisi 49:10

Bukhosi bungeke busuke esandleni saJuda. Titukulwane takhe tiyawubusa njalonjalo, tive tiyakwetfula kuye timlalele.

Tihlabelelo 86:9

Tonkhe tive lotentile tiyawuta kuwe, tikhotsame embikwakho, Nkhosi yami, tibabate libito lakho.

Umshumayeli 12:11

Taga tebantfu labahlakaniphile tinemavi lakhalipha njengentjumentju yemelusi, nanjengetipikili letishayelwe tacina, tinjalo taga natihlanganiswe ndzawonye, ngobe bavela kumelusi munye.

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 43:6

Ngiyawukhuluma nenyakatfo ngitsi: ‘Bakhulule,’ neningizimu ngikhulume kuyo ngitsi: ‘Ungabagodli.’ Buyisani emadvodzana ami kusukela khashane, nemadvodzakati ami kusukela emikhawulweni yemhlaba,

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 52:10

Simakadze uyakwembula umkhono wakhe longcwele embikwato tonkhe tive, nayo yonkhe imikhawulo yemhlaba iyawuyibona insindziso yaNkulunkulu wetfu.

Isaya 56:8

INkhosi Simakadze, lena lebutsa labatfunjiwe baka-Israyeli, itsi: “Ngiyawubutsela kubo labanye ngaphandle kwalabo lasebabutsiwe.”

Hezekeli 34:12

Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona ngalelo langa lemafu nelebumnyama.

Hezekeli 34:23

Ngiyawubeka etikwato umelusi abe munye, inceku yami Davide, yena uyawutinakekela; uyakuba ngumelusi wato, atinakekele.

Hezekeli 34:6

Timvu tami tazulazula kuto tonkhe tintsaba nakuwo onkhe emagcuma laphakeme. Tasakateka kuwo wonkhe umhlaba, kwabate lotifunako nalotelusako.

Hezekeli 37:22

Ngiyawubenta babe sive sinye kulelo live, etintsabeni taka-Israyeli. Kuyawuba nenkhosi yinye leyawubabusa bonkhe, futsi abasayiwuphindze babe tive letimbili letehlukene nome behlukane babe ngimibuso lemibili.

Hezekeli 37:24

“ ‘Inceku yami, Davide, iyawuba yinkhosi yabo, futsi bonkhe bayawuba nemelusi munye. Bayawulandzela imitsetfo yami, bacaphele kugcina timiso tami.

Hoseya 1:10

“Noko ema-Israyeli ayawuba manyenti ngangesihlabatsi saselugwini lwelwandle, lesingeke sikalwe nome sibalwe. Endzaweni lapho kwakukhulunywa khona kubo kwatsiwa: ‘Nine anisiso sive sami,’ bayawubitwa ngekutsi: ‘Ngemadvodzana aNkulunkulu lophilako.’

Zakhariya 2:11

“Tive letinyenti tiyawutihlanganisa naSimakadze ngalelo langa, tibe sive sami. Ngiyawuhlala emkhatsini wenu, nani niyawukwati-ke kutsi Simakadze longuSomandla ungitfume kini.

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Lukha 15:8

“Nome-ke ake sitsi: Umfati lonetinhlavu tesiliva letilishumi alahlekelwe ngulolunye, wente njani? Akasikhanyisi yini sibane atsanyele indlu yakhe alufunisise adzimate alutfole?

Johane 10:11

“Mine ngingumelusi lolungile. Umelusi lolungile udzela kuphila kwakhe ngenca yetimvu.

Johane 10:2

Kepha longena ngelisango ungumelusi wetimvu.

Johane 10:27

Timvu tami tiyaliva livi lami, nami ngiyatati; tiyangilandzela.

Johane 10:3

Umgadzi welisango uyamvulela lowo, netimvu tiyaliva livi lakhe. Takhe timvu utibita ngemabito ato atiholele ngephandle.

Johane 10:4

Nasaphume nato tonkhe utihola embili, tona timlandzele ngemuva, ngobe tiyalati livi lakhe.

Johane 10:5

Ngeke timlandzele lomunye umuntfu, kodvwa tiyawumbalekela; ngobe atiwati emavi ebafokati.”

Johane 11:52

kungesiso sive kuphela, kepha kuze atekubutsela ndzawonye bantfwana baNkulunkulu, labasakateke nemhlaba wonkhe, babe munye.

Johane 17:20

“Angithandazeli laba bodvwa, kodvwa ngithandazela nalabo labayawukholwa kimi ngelivi labo.

Johane 6:37

“Konkhe langipha kona Babe kutawuta kimi; lotako kimi, angeke ngimlahlele ngephandle.

Imisebenti yebaPhostoli 15:14

Simoni usandza kuchaza kutsi Nkulunkulu wacala kunakekela betive ngekutitsatsela sive emkhatsini wabo kutsi sibe sakhe.

Imisebenti yebaPhostoli 18:10

ngobe nginawe, futsi kute umuntfu lotakuhlasela akulimate, ngobe nginebantfu bami labanyenti kulelidolobha.”

Imisebenti yebaPhostoli 22:14

Yase itsi kimi: ‘Nkulunkulu wabokhokho betfu ukukhetsile kutsi wati intsandvo yakhe, ubone Lolungile wakhe, umuve akhuluma nawe ngeliphimbo lakhe,

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

2 kubaseThesalonika 2:13

Kodvwa tsine simelwe kutsi sibonge Nkulunkulu njalo ngani, bazalwane labatsandvwe yiNkhosi, ngobe Nkulunkulu wanikhetsela kutsi nibe bekucala ensindzisweni ngekuhlantwa nguMoya, nangekukholwa liciniso.

KumaHebheru 13:20

Shangatsi Nkulunkulu wekuthula lowavusa iNkhosi yetfu Jesu kulabafile, wamenta uMelusi Lomkhulu wetimvu ngengati yakhe yesivumelwane saphakadze,

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.

1 yaPhetro 2:25

Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.

1 yaPhetro 5:4

Mhlazana kubonakala uMelusi Lomkhulu, niyakwemukela umchele webukhosi longagugi.

Sembulo 3:20

Lalela la, ngime emnyango ngiyanconcotsa; nangabe umuntfu eva livi lami, avule umnyango, mine ngiyawungena kuye, ngidle naye, naye adle nami.