Jeremiya 9:5 - Siswati 1996 Bible

Umngani uyenga bangani, kute namunye lokhuluma liciniso. Bafundzise tilwimi tabo kukhuluma emanga; bayatiphuphisa bona ngekwenta sono.

Jeremiya 9:5 Referencias Cruzadas

Genesisi 19:11

Ashaya lamadvodza labesemnyango ngebumphumphutse onkhe lawo labengaphandle kwendlu, lamancane nalamadzala, kangangekutsi abatse ayawufuna umnyango angete awutfola.

Jobe 11:3

Lenkhulumo yakho lelite ingabathulisa yini bantfu bangabe basakhuluma? Kufanele ungabe usekhutwa yini wena nawukhuluma emavi ekuphukuta?

Jobe 15:5

Ngulesono sakho lelesenta ukhulume kanje; sewukhetse lulwimi lwalabanebucili.

Tihlabelelo 140:3

Balola tilimi tabo tibe njengetetinyoka. Sihlungu sato sisemilonyeni yabo. Cabanga.

Tihlabelelo 50:19

“Umlomo wakho ulula ekukhulumeni lokubi, lulwimi lwakho lubumba emacebo nenkhohliso.

Tihlabelelo 52:3

Utsandza kakhulu bubi kunebuhle utsandze emanga kunekukhuluma liciniso. Cabanga.

Tihlabelelo 64:3

labalola lulwimi lwabo lolukhaliphisa kwenkemba, bajijimete ngemavi abo langimicibisholo,

Tihlabelelo 7:14

Asubuke nje kutsi lomubi unemhelo webubi, wemitsa kuganga, atale emanga.

Taga 12:5

Emasu alabalungile mahle; kodvwa teluleko talababi tiyedukisana.

Taga 4:16

Bantfu lababi abalali bangakenti lokubi, bayacwasha bangalali nabangakoni muntfu.

Isaya 5:18

Maye kulabo labahudvula sono ngetintsambo temacebo, badvonse bubi kube shangatsi kungetintsambo tetincola,

Isaya 57:10

Ukhatsatwe ngito tonkhe letindlela takho, kodvwa awuzange usho kutsi: ‘Akusiti lutfo.’ Watfola kuvusetelwa kwemandla akho, ngiko nje ungazange ucaleke.

Jeremiya 12:13

Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Jeremiya 12:6

Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”

Jeremiya 13:23

UmTopiya angasigucula yini sikhumba sakhe nome ingwe emabala ayo? Nani ningeke nikwente lokuhle, ngobe senetayele kwenta lokubi.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 51:58

Naku lokushiwo nguSimakadze longuSomandla, utsi: “Lubondza lolulicinsi lwaseBhabhulona luyakwendlaleka phansi, nemasango ayo laphakeme alunyekwe ngemlilo, bantfu batikhatsate ngelite, umshikashika wetive ungemafutsa nje ekubasela emalangabi.”

Jeremiya 51:64

bese utsi: ‘Iyawucwila kanjalo-ke iBhabhulona, ingasayiwuphindza ivuke, ngenca yesigemegeme lengiyawusehlisela kuyo. Nebantfu bakhona bayakuwa.’ ” Emavi aJeremiya aphelela lapha-ke.

Jeremiya 7:28

Ngako-ke tsani kubo: ‘Lesi sive lesingamlalelanga Simakadze Nkulunkulu waso, futsi asiphendvukanga nasicondziswa. Liciniso seliphelile; linyamalele emilonyeni yabo.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Jeremiya 9:8

Lulwimi lwabo lungumcibisholo lobulalanako, lukhuluma emanga odvwana. Ngulowo nalowo uncempheta ngalo kumakhelwane wakhe, kantsi ngenhlitiyo umbekela lugibe.

Hezekeli 24:12

Liyikhinyabete yonkhe imitamo; tincwencwe talo letinkhulu atikesuswa ngisho nangemlilo.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Mikha 6:3

Simakadze utsi: “Sive sami, ngenteni kini? Nginetfwese mtfwalo muni? Ngiphendvuleni.

Habakhuki 2:13

Kungabe kambe Simakadze longuSomandla akakumisi yini engcondvweni yakhe kutsi kushikashikeka kwebantfu kungemafutsa nje ekubhebhetela umlilo, nekutsi tive tishikashikeke, titikhandlekele lite?

Malakhi 2:10

AsinaBabe munye sonkhe yini? Asidalwanga nguNkulunkulu munye yini? Pho, sisihlambalatelani lesivumelwane sabokhokho betfu ngekungetsembeki kwetfu lomunye kulomunye?

Kubase-Efesu 4:25

Ngako-ke lahlani emanga, akube ngulowo nalowo akhulume liciniso kumzalwane wakhe, ngobe sonkhe singemalunga lomunye kulomunye emtimbeni munye.

1 kuThimothi 4:2

Bantfu labatentisako bayawufundzisa emanga, ngobe bonembeza babo bashiswe luphawu.

Tikhulu 2:10

Kwatsi kube sonkhe leso situkulwane sife siphele, kwavela lesinye situkulwane saka-Israyeli lesasingazange simati Simakadze singatani nangetintfo lake watentela sive saka-Israyeli.