Jeremiya 6:6 - Siswati 1996 Bible

Naku lokushiwo nguSimakadze longuSomandla, utsi: “Gawulani tihlahla, nibutsise tindvundvuma tekuvimbetela iJerusalema. Lelidolobha kufanele lijeziswe; ligcwele incindzetelo.

Jeremiya 6:6 Referencias Cruzadas

Isaya 37:33

“Ngako-ke naku lokushiwo nguSimakadze macondzana nenkhosi yase-Asiriya: “Ngeke ingene kulelidolobha nome icibishele imicibisholo kulo. Ngeke ime embikwalo ngelihawu, futsi ngeke yente lutfo lwekulivimbetela.

Jeremiya 20:8

Njalo nje nangikhuluma, ngikhala ngimemetela kulwa nembhubhiso. Ngako livi laSimakadze selingitsele ngenhlamba nenhlekisa lonkhe lilanga.

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Jeremiya 32:24

“Buka-ke kutsi takhiwe njani tindvundvuma tekuvimbetela lelidolobha lize litfunjwe. Ngenca yenkemba, nendlala kanye nesifo lesibulalanako lelidolobha selitawunikelwa etandleni temaBhabhulona lalihlaselako. Loko lowakusho sekwentekile, njengobe ubona nje.

Jeremiya 32:31

Kusukela mhlazana lakhiwa kuze kube ngunyalo lelidolobha lingitfukutselise langicunula kangangekutsi kufanele ngilisuse embikwami.

Jeremiya 33:4

Ngobe naku lokushiwo nguSimakadze, Nkulunkulu wema-Israyeli, ngetindlu talelidolobha netigodlo temakhosi akaJuda letihhihlitelwe phansi kuze titewusetjentiswa ekukhuphuleni umtsangala wekutivikela kuletivimbetelo nakuyo inkemba

Jeremiya 39:1

IJerusalema yatfunjwa kanjena-ke: Ngemnyaka wemfica wekubusa kwaSedekiya, inkhosi yakaJuda, ngenyanga yelishumi, Nebukhadnezari, inkhosi yaseBhabhulona, washuca wayawuhlasela iJerusalema, washuca nayo yonkhe imphi yakhe wayivimbetela.

Jeremiya 5:29

Simakadze utsi: “Akukafaneli yini kutsi ngibajezise ngaloku? Akukafaneli yini kutsi ngitenanele kulesive lesinje?

Jeremiya 5:9

Akukafaneli yini kutsi ngibajezise ngaloko?” kusho Simakadze. “Akukafaneli yini ngitenanele mine kulesive lesifanana nalesi?

Hezekeli 4:2

Ubobe sewenta siboniso sekuvinjetelwa kwalo: Yakha tindvonga tekuvimbetela, wakhe lutsango lwekulivimbetela, umise tinkambu eceleni kwalo, bese ufaka imigcala yekulibhidlita ilitungelete,

Hezekeli 5:5

“Naku lokushiwo yiNkhosi Simakadze, itsi: Lena yiJerusalema, lengiyimise emkhatsini wetive, nemave ayitungelete yonkhe indzawo.

Danyela 11:15

Inkhosi yasenyakatfo iyawuta itekwakha lutsango lwekuvimbetela, ivimbetele idle lidolobha leliyinqaba. Emabutfo aseningizimu ayawubate emandla lenele ekutivikela, ngisho neticheme tawo telikhetselo atiyiwuba nawo emandla ekuma.

Zefaniya 3:1

Nako kulelo dolobha lebacindzeteli, labahlubukako nalabangcolile!

Lukha 19:43

Ngobe ayeta emalanga lapho titsa takho tiyawukuhlasela, tikuvimbetele tikuvalele ndzawo tonkhe.