Jeremiya 6:29 - Siswati 1996 Bible

Umfutfo uyafutseka kuyesabisa, kutsi utewushisa umtfofu ngemlilo, kodvwa kucengisiselwa lite nje, ngobe laba lababi abakhishwa.

Jeremiya 6:29 Referencias Cruzadas

Taga 17:3

Isiliva negolide kuhlolisiswa ngemlilo, kodvwa Simakadze uvivinya tinhlitiyo tebantfu.

Isaya 49:4

Kodvwa ngatsi: “Ngisebentele lite. Titfukutfuku tami ngitijulukele lite, ngisebentele emahhala. Kodvwa lilungelo lami lisesandleni saSimakadze; nemvuzo wami ukuNkulunkulu wami.”

Jeremiya 15:19

Ngako-ke naku lokushiwo nguSimakadze, utsi: “Nawuphendvuka, ngiyawukubutsa, khona utekungikhonta; nawukhuluma emavi lafanelekile, hhayi emavi langenamsebenti, uyawuba lincusa lami. Labantfu abagucukele kuwe, kodvwa wena ungagucukeli kubo.

Jeremiya 9:7

Ngako-ke naku lokushiwo nguSimakadze longuSomandla, utsi: “Buka la, ngitabavivinya ngibacolisise, ngobe yini lenye lengingayenta macondzana nesono sebantfu bami?

Hezekeli 24:12

Liyikhinyabete yonkhe imitamo; tincwencwe talo letinkhulu atikesuswa ngisho nangemlilo.

Hezekeli 24:13

“ ‘Manje kungcola kwakho luntjingintjingi lwenkhanuko yakho. Ngobe ngetama kukugeza, kodvwa wangete wavuma kugezwa kulokungcola kwakho, ungeke uphindze uhlanteke, luze lubotje lulaka lwami kuwe.

Hoseya 11:7

Bantfu bami batimisele kusuka kimi. Ngisho nome sebangambita Longetulu Kwako Konkhe, angeke abaphakamise ngisho nangayiphi indlela.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 yaPhetro 4:12

Batsandzekako, ningamangaliswa ngulokuvivinywa lokubuhlungu kakhulu lokunikhantingako, kube shangatsi nehlelwa yintfo lengakavami.

Tikhulu 17:4

Ngako lendvodza yayibuyisela lesiliva kunina, unina watsatsa emakhilogremu langaba mabili nesigamu esiliva wawaniketela kumbumbi wetinsimbi, lowabumba wenta ngayo sitfombe nesithico. Kwatsatfwa, kwafakwa endlini kaMikha.