Jeremiya 6:1 - Siswati 1996 Bible “Balekani niyewubhaca, sive sakaBhenjamini! Sukani eJerusalema nibaleke! Shayani impalampala eThekhowa! Phakamisani siboniso semlilo eBhethi Hakheremu! Ngobe kulunguta inhlekelele, ichamuka ngasenyakatfo, yebo, imbhubhiso lenkhulu. |
Ngako Jowabe wabe sewutfumela umuntfu eThekhowa, kutsi alandze umfati lohlakaniphile khona. Jowabe wakhuluma kulomfati watsi: “Tentise kube shangatsi uzilile. Yembatsa inzilo, ungacali utisebentise tinongo temtimba. Ubotentisa kube shangatsi lomuntfu lofile sewumzilele sikhatsi lesidze.
LiSango Lebulongo lona lavuswa nguMalkhiya, umsa waRekhabi, umbusi wesifundza saseBhethi Hakheremu. Walivusa, walifaka netivalo talo kanye nemavelevele alo nemishudvo yalo endzaweni yayo.
Luhlangotsi lolulandzelako lwavuswa ngemadvodza aseThekhowa. Noko emadvodza akhona lahloniphekile akazange awusekele umsebenti labenikwe wona baholi bawo kutsi awente.
Lalelani! Livi lembiko liyasondzela, siphitsiphitsi lesikhulu, lesivela eveni langasenyakatfo! Utakwenta emadolobha akaJuda asale akhala libhungane, angumgedze wetimphungutja.
ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.
Kutsi nakuvakala umsindvo webagibeli bemahhashi nalabanemba ngebutjoki, onkhe emadolobha abaleke. Labanye bantfu babaleka bayewubhaca emahlatsini, labanye bekhwela etulu emadvwaleni. Onkhe emadolobha asele akhala libhungane, kute namunye lohlala kuwo.
Naku lokushiwo nguSimakadze, utsi: “Buka, kuta imphi, lechamuka eveni langasenyakatfo, sive lesikhulu sichukulutiwe, sisukela emikhawulweni yemhlaba.
Lawa ngemavi a-Amose, lomunye webantfu lababefuye timvu eThekhowa, ngaloko lakuboniswa lokumacondzana nema-Israyeli iminyaka lemibili umhlaba ungakatamatami, ngesikhatsi Uziya ayinkhosi yakaJuda, Jerobowamu, umsa waJehoyashi, ayinkhosi yaka-Israyeli.
Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?
Lencola ledvonswa ngemahhashi lamnyama iya eveni langasenyakatfo, lena ledvonswa ngemahhashi lamhlophe icondze ngasenshonalanga, bese kutsi lena ledvonswa ngemahhashi lamabalabala ibheka ngaseningizimu.”
Juda akazange akhone kuwacosha emaJebhusi labehlala eJerusalema; nalamuhla loku emaJebhusi seloku ahlala ndzawonye nesive sakaJuda.
Sive sakaBhenjamini sona sehluleka kucosha emaJebhusi labehlala eJerusalema. Kuze kube ngulamuhla emaJebhusi ahlala lapho kanye nesive sakaBhenjamini.