Jeremiya 52:34 - Siswati 1996 Bible Onkhe emalanga inkhosi yaseBhabhulona yayinika Jehoyakhini imbasha nalokunye lekwakusabelo sakhe lesimile semihla ngemihla, yingci nasaphila, kwadzimate kwaba lilanga lakhe lekufa. |
Wena-ke kanye nemadvodzana akho netisebenti takho kufanele nilime lomhlaba wakhe niletse tivuno, kuze lomntfwanemntfwanenkhosi yakho angetiwulamba. Mefiboshethi-ke, umntfwanemntfwanenkhosi yakho, yena utabodla kanye nami etafuleni lami onkhe emalanga.” Siba abesanemadvodzana lali-15 kanye netisebenti letingema-20.
Onkhe emalanga inkhosi yayinika Jehoyakhini imbasha nalokunye lekwakusabelo sakhe lesimile semihla ngemihla, yingci nasaphila.
Noko, Jeremiya angakagucuki kutsi ahambe, Nebuzaradani wengeta watsi: “Buyela emuva kaGedaliya, umsa wa-Ahikamu, umsa waShafani, lobekwe yinkhosi yaseBhabhulona etikwemadolobha akaJuda, uyewuhlala naye kanye nebantfu, nome-ke uye nome ngukuphi lapho utsandza kuya khona.” Ngako indvuna yabomahlalesangweni yamnika umphako nesipho, yase iyamyekela, wahamba.