Jeremiya 51:9 - Siswati 1996 Bible

“ ‘Ngabe sesiyiphilisile iBhabhulona, kodvwa ayelapheki, asiyishiye, ngulowo nalowo aye eveni lakubo, ngobe kwehlulelwa kwayo kufikela esibhakabhakeni.

Jeremiya 51:9 Referencias Cruzadas

2 Tikhronike 28:9

Kwakunemphrofethi waSimakadze, Odedi, labelapho, waphuma kuyawuhlangabeta emabutfo, nasabuyela eSamariya. Wakhuluma kuwo watsi: “Njengobe Simakadze Nkulunkulu waboyihlomkhulu abetfukutselele bakaJuda, uvele wabaniketa esandleni senu. Kodvwa nyalo senibabulele ngesihluku lesidzimate sefika ezulwini.

Ezra 9:6

ngathandaza ngatsi: “Maye, Nkulunkulu wami, ngijabhile kakhulu futsi nginemahloni kutsi ngingaphakamisela kanjani buso bami kuwe, Nkulunkulu wami, ngobe tono tetfu setiphakeme kakhulu tengama tinhloko tetfu, nebubi betfu sebufikele emazulwini.

Isaya 13:14

“Njengenyamatane letingelwako, nanjengetimvu letingenamelusi, ngulowo nalowo uyawubalekela esiveni sakubo, ngulowo nalowo abalekele eveni lakubo.

Isaya 47:15

Nguloko nje kuphela labangakwentela kona, labo lebewushikashikeka nabo, solomane uhambisene nabo kusukela ebuntfwaneni. Ngulowo nalowo atichubekela ngekwakakhe kona; kute namunye longakusindzisa.”

Jeremiya 46:16

Bayawukhubatela njalo nje; bawe lomunye etikwalomunye. Bayawutsi: ‘Vukani, sibuyele emuva kubantfu bakitsi nasemaveni etfu, sibaleke kulenkemba yemcindzeteli.’

Jeremiya 46:21

Emabutfo ayo lacashiwe anjengematfole londleke kahle eGibhithe. Nawo futsi atawuncandzeka abaleke kanyekanye, angeke ayimele lemphi, ngobe lilanga lawo lesehlakalo sawo seliwehlele, sikhatsi sawo sekutsi ajeziswe.

Jeremiya 50:16

Susani umhlanyeli eBhabhulona nemvuni lobambe lisikela lakhe ngesikhatsi sekuvuna. Ngenca yenkemba yemcindzeteli, akube ngulowo nalowo abuyele kubakubo, ngulowo nalowo akabalekele eveni lakubo.”

Jeremiya 8:20

“Kuvuna sekwendlulile, lihlobo seliphelile, kodvwa tsine asikasindziswa.”

Hoseya 7:13

Maye kubo! Ngobe besukile kimi! Imbhubhiso kubo! Ngobe bangihlubukile bemelana nami! Ngifisa kangaka kubahlenga, kodvwa bakhuluma emanga ngami.

Sembulo 18:4

Ngase ngiphindze ngiva lelinye livi liphuma ezulwini litsi: “Sive sami, phumani kuyo, ningahlanganyeli nayo etonweni tayo, funa nehlelwe kuhlushwa kanye nayo.

Sembulo 18:5

Ngobe tono tayo timponge tancwabelana, taze tefika etulu esibhakabhakeni, naNkulunkulu uwakhumbulile emacala ayo.