Jeremiya 51:31 - Siswati 1996 Bible Sigijimi lesinye silandzela lesinye, nesitfunywa silandzela lesinye sitfunywa kuyawubikela inkhosi yaseBhabhulona kutsi lonkhe lidolobha layo selitfunjiwe. |
Inkhosi yakhipha tigijimi, talihamba lonkhe laka-Israyeli nelakaJuda tiphetse tincwadzi letatiphuma kuyo nakutiphatsimandla tayo, letatitsi: “Sive sonkhe saka-Israyeli, buyelani kuSimakadze Nkulunkulu wa-Abrahama, na-Isaka, na-Israyeli, khona atewubuyela kini, nine lenisele ngekuphunyula esandleni semakhosi ase-Asiriya.
Modekhayi watibhala tonkhe letincwadzi egameni lenkhosi Ahashiveroshi, watingcivita ngendandatho yeluphawu lwenkhosi. Kwakhishwa emancusa labegibele emahhashi enkhosi elikhetselo lagijima kakhulukati.
Tigijimi nemancusa lakhishwa yinkhosi abegibele emahhashi enkhosi lagijima kakhulukati. Lesimemetelo sasebukhosini sasicilelwa samenyetelwa satiwa nangibo bonkhe bantfu baseSusa lekwakuyinhlokodolobha yembuso.
“Emalanga ami agijima ashiye inyosi, andiza abaleke angasakuboni nakancane nje lokujabulisako.
Inhlekelele ilandzela inhlekelele, live lonkhe lisele litindzala. Ngekucwabita kweliso emathende ami asabhidlitiwe, yebo, umkhukhu wami ngesikhashana nje.
“Memetelani nikhulume emkhatsini webetive, phakamisani siboniso semphi, nimemetele, ningafihli lutfo, kodvwa tsanini: ‘IBhabhulona itawutfunjwa, Bheli utawuhlazeka, Maduki yena agcwale kwesaba. Titfombe tayo tiyawuhlazeka netithico tayo tigcwale kwesaba.’
Ngakubekela lugibe, wena Bhabhulona, wavele wabhajwa ungakati ngalo, watfolakala, wabanjwa, ngobe wemelana naSimakadze.
Inkhosi yaseBhabhulona ive imibiko ngabo, nyalo imikhono yayo seyiyalenga nje, kucacamba kwenhlitiyo sekuyibambile, iminjunju lenjengeyemfati nakaphetfwe ngumhelo.