Jeremiya 51:10 - Siswati 1996 Bible

“ ‘Simakadze usivikele. Wotani siyewukhuluma eSiyoni kutsi Simakadze Nkulunkulu wetfu usenteleni.’

Jeremiya 51:10 Referencias Cruzadas

Tihlabelelo 118:17

Ngingeke ngife, kodvwa ngitawuphila, ngibalise ngemisebenti yaSimakadze.

Tihlabelelo 37:6

Kulunga kwakho uyawukwenta kugcame njengekukhanya, nebucotfo bakho bukhanye njengemini.

Tihlabelelo 64:9

Bonkhe bantfu bayawushaywa luvalo bashumayele ngalokwentiwe nguNkulunkulu, bakucondze kahle lasakwentile.

Tihlabelelo 66:16

Wotani nonkhe nitewuva, nonkhe nine lenesaba Nkulunkulu, ngitanitjela ngako konkhe langentele kona.

Tihlabelelo 9:14

kuze ngilandze ngalo lonkhe ludvumo lwakho emasangweni elidolobha laseSiyoni ngijabulele kungikhulula kwakho.

Isaya 24:14

Bantfu baphakamisa emaphimbo abo, bamemeta ngenjabulo; kusukela ngasenshonalanga badvumisa bukhosi baSimakadze.

Isaya 40:2

“Khulumani kahle kubaseJerusalema, nimemetele kubo kutsi umshikashika wabo wemsebenti sewuphelelisiwe, nekutsi licala lesono sabo selihlawulelwe, nekutsi sebatfole ngalokuphindziwe esandleni saSimakadze ngaletono tabo.”

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Jeremiya 50:28

Lalelani lababalekako nebakhoseli labesuka eBhabhulona, bamemetela baseSiyoni kutsi Simakadze Nkulunkulu wetfu utiphindziselele kanjani, atiphindziselela ngenca yelithempeli lakhe.

Jeremiya 50:45

Ngako-ke, vanini losekulungiswe nguSimakadze engcondvweni yakhe ngeBhabhulona, loko lasatimisele kukwenta kulabo labahlala eBhabhulona: Ematfole emhlambi ayawuhudvulwa, uyakuwabhubhisa awacedze emadlelo abo ngenca yabo.