Engatini yalabagwaziwe nasetidvunjini temachawe, butjoki baJonathani bashaya bacotfula, nenkemba yaSawula ayibuyanga yabayaba.
Jeremiya 50:9 - Siswati 1996 Bible Ngobe ngiyawuchukuluta letive letinemandla ngitiletse titewusukela iBhabhulona tiyihlasele, tichamuka emaveni angasenyakatfo, tiyawutihlela kahle ize itfunjwe. Imicibisholo yato ifanana neyetingcweti tetihlabani letingabuyeli emuva tilengisa tandla. |
Engatini yalabagwaziwe nasetidvunjini temachawe, butjoki baJonathani bashaya bacotfula, nenkemba yaSawula ayibuyanga yabayaba.
onkhe ahlome ngetinkemba, onkhe bokadzebona etimphini, nguleyo ifake inkemba yayo engculwini, ilungele kulwa nalokwesabisanako kwasebusuku.
Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”
“Ngivuse longasenyakatfo, futsi uyeta lomunye lophuma ngasemphumalanga lobita Libito lami. Unyatsela etikwebabusi kube shangatsi baludzaka nje, kube shangatsi yena ungumbumbi nakanyatsela libumba.
Ngiyawukugcilata ngetitsa takho, eveni longalati, ngobe lulaka lwami luyawulumeka umlilo loyawuvutsa umelane nani.”
Bona matfupha bayawugcilatwa tive letinyenti nangemakhosi lamakhulu. Ngiyawubakhokhela ngaloko lokubafanele ngetento tabo nangemsebenti wetandla tabo.”
nawo onkhe emakhosi asenyakatfo, edvutane nakhashane, lenye emvakwalenye, nayo yonkhe imibuso lesebusweni bemhlaba. Kuyawutsi emvakwabo bonkhe inkhosi yaseSheshaki nayo iyawulinatsa.
“Manini ngemumo, nitungelete iBhabhulona, nonkhe nine lenijijimeta ngemicibisholo. Yijijimeteni, kungasali namunye umcibisholo, ngobe yonile kuSimakadze.
“Hlasela live laseMerathayimu nalabo labahlala ePhekodi. Bacoshe, ubabulale, ubabhubhise ubacedze. Wente konkhe lengikuyale ngako,” kusho Simakadze.
Lelive lisukeleni nilihlasele, nisuka emikhawulweni yalo. Gwabulani tingungu talo, nilimpongise njengetindvundvuma talokutinhlavu. Libhubhiseni nilicedze, ningalishiyeli nalencane insali.
“Butsani banembi bamelane neBhabhulona, bonkhe labakwati kujijimeta ngebutjoki, niyitungelete yonkhe, kubete lophunyulako. Yikhokheleni njengetento tayo; yentani kuyo njengobe nayo yenta. Ngobe yedzelele Simakadze, longuLongcwele waka-Israyeli.
Sive lesichamuka enyakatfo siyawuyihlasela, live layo silishiye lingenalutfo. Kute muntfu loyawuhlala kulo, bantfu netilwane kuyawulibalekela.”
“Lolani imicibisholo, nitsatse emahawu! Simakadze uchukulute emakhosi aseMediya, ngobe injongo yakhe kubhubhisa iBhabhulona. Simakadze utawutiphindzisela, akhiphe sibhongo ngenca yelithempeli lakhe.