Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.
Jeremiya 50:17 - Siswati 1996 Bible “Israyeli unjengemhlambi wetimvu letisakatekile ticoshwe ngemabhubesi. Lekucala lelamudla kwaba yinkhosi yase-Asiriya; lekugcina lelabhoba ematsambo akhe, kwaba nguNebukhadnezari, inkhosi yaseBhabhulona.” |
Thiglathi Phileseri, inkhosi yase-Asiriya, wahlasela lelive, Menahemu wamnika emakhilogremu labengaba ti-34 000 esiliva, atincengela kutsi amsimise embusweni wakhe.
Ngesikhatsi saPhekha, inkhosi yaka-Israyeli, Thiglathi Phileseri, inkhosi yase Asiriya, yefika yatfumba i-Ijoni, ne-Abela Bhethi Makha, neJanowa, neKhedeshi kanye neHasori. Watfumba iGileyadi, neGalile, nalo lonkhe live lakaNaftali, bantfu wabatfumba wabayisa e-Asiriya.
Ngesikhatsi sekubusa kwaJehoyakimu, Nebukhadnezari, inkhosi yaseBhabhulona, wahlasela live. Jehoyakimu waba yinceku yaNebukhadnezari, iminyaka lemitsatfu. Kodvwa wabe sewugucula ingcondvo yakhe, wavukela Nebukhadnezari.
Ngaleso sikhatsi tindvuna taNebukhadnezari, inkhosi yaseBhabhulona, tahlasela iJerusalema tayivimbetela,
Kwatsi ngemnyaka wemfica wekubusa kwenkhosi Sedekiya ngelilanga lelishumi, enyangeni yelishumi, Nebukhadnezari, inkhosi yaseBhabhulona, washuca nemabutfo akhe onkhe, wahlasela iJerusalema. Bemisa ngephandle kwelidolobha, bakha tivimbetelo letalitungeleta lonkhe.
Thiglathi Phileseri, inkhosi yase-Asiriya, weta kuye, kodvwa wamnika inhlupheko esikhundleni selusito.
Ngako Simakadze wehlisela etikwabo libutfo letindvuna temphi tenkhosi yase-Asiriya, tefika tatfumba Manase, tamfaka lihhuka lapha ekhaleni, tambopha ngetinketane telitfusi, tahamba naye tammikisa eBhabhulona.
Emanti aseDiboni agcwele ingati, kodvwa iDiboni ngisetayengetela; yebo, libhubesi kulabo lababaleka kaMowabi, nakulabo labangimisalela kulelo live!
Ngangisitfukutselele sive sami, ngalilahla lifa lami, ngabanikela esandleni sakho, nawe awuzange ubahawukele ngemusa; ngisho nalasebagugile, wabagaca ngelijoko lelimatima.
Tfululela lulaka lwakho etikwetive letingakwemukeli wena, etikwetive letingalibiti Libito lakho. Ngobe Jakobe timudle tamshwabudzela, timudle taze tamshwabudzela, tabhubhisa live lakhe lekutalwa.
Emabhubesi abhodlile, amhhongela. Live lakhe alente laba lihlane lelingenalutfo, emadolobha akhe ashisiwe, asala akhala libhungane.
Simakadze utsi: Emvakwaloko Sedekiya, inkhosi yakaJuda, netindvuna tayo, nebantfu balelidolobha labayawusindza kulesifo lesibulalanako, nenkemba, nendlala, ngiyakubanikela kuNebukhadnezari, inkhosi yaseBhabhulona, nasetitseni tabo letifunana nemphilo yabo. Uyawubabulala ngenkemba, angabi naso nakancane nje sihawu, nesihe kanye neluvela.’ ”
Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.
“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?
Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba.”
Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.
“Bantfu bami babetimvu letilahlekile, belusi bato batedukisile, batenta tasabalala etulu etintsabeni. Babezulazula etikwetintsaba nemagcuma, baze bayikhohlwa nendzawo yabo, lapho baphumula khona.
Bantfu bakhona bonkhe babhodla njengemabhubesi lasemancane, bayahhonga njengemankhonyane emabhubesi.
Sedekiya abeneminyaka lengema-21 budzala nakabekwa kuba yinkhosi, wabusela eJerusalema iminyaka leli-11. Libito lenina bekunguHamutali, indvodzakati yaJeremiya, waseLibna.
Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona ngalelo langa lemafu nelebumnyama.
Inkhosi yakhipha umyalo, kwaletfwa kuyo onkhe lamadvodza labebeke Danyela licala ngekumcalela emanga, ajikijelwa emgodzini wemabhubesi, wona, nabomkawo, kanye nebantfwabawo. Emabhubesi atseleka etikwabo, abadzabudzabula abacedza bangakefiki ngisho nasesiyilweni salomgodzi wemabhubesi, ababhasha ngisho nematsambo abo.
ngiyawubutsa tonkhe tive ngitehlisele eSigodzini sakaJehoshafati. Lapho-ke ngulapho ngiyawutehlulela khona ngenca yelifa lami, sive sami saka-Israyeli, ngobe tasakata sive sami, tasifaka kuto tonkhe tive, talidzabudzabula live lami.
Ngobe beninjengetimvu letedukile; kodvwa manje seniphendvukele kuMelusi neMlondvoloti wemiphefumulo yenu.