Jeremiya 5:22 - Siswati 1996 Bible

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Jeremiya 5:22 Referencias Cruzadas

Genesisi 1:9

Nkulunkulu watsi: “Emanti langephansi kwelizulu akabutsane ndzawonye, kubonakale umhlaba lowomile.” Kwase kuba njalo.

1 Emakhosi 13:28

Waphuma wahamba, wakhandza leso sidvumbu sidzindzibele endleleni, lembongolo nalelibhubesi kume eceleni kwaso. Lelibhubesi belingakasidli lesidvumbu, kantsi futsi nalembongolo belingakayidzabuli.

Jobe 26:10

Udvweba umnyele wemkhatsi etikwemanti, kutsi kube ngumnyele wekukhanya nebumnyama.

Jobe 37:24

Ngako-ke bantfu bayamhlonipha, ngobe akabanaki yini bonkhe labacabanga kutsi bahlakaniphile enhlitiyweni?”

Jobe 38:8

“Ngubani lowavala emasango ekuvimbela lwandle, naluphuphuma, luphuma esiswini semhlaba,

Tihlabelelo 104:9

Wawabekela iminyele langeke ayengce, angete asabuyela kuyakwembesa umhlaba wonkhe.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 33:7

Emanti elwandle wawabutsela ndzawonye, kwaba shangatsi uwagcwalisa embiteni; wenta titiba netitibakati tetilwandle.

Tihlabelelo 46:3

nome lwandle lugubha luhlokoma, nome tintsaba setitanyatanyiswa lulaka lwalo. Cabanga.

Tihlabelelo 99:1

Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Taga 8:29

mhlazana asika imincele yetilwandle, kuze emanti angalengci livi lakhe, mhlazana abeka tisekelo temhlaba,

Isaya 50:2

Kwaya ngani ngingakhandzi muntfu nangifika? Ngesikhatsi ngimemeta, kwabate leni losabelako? Ingalo yami yayiyimfisha kakhulu yini kwekutsi yayinganisindzisa? Ngite yini mine emandla ekunephula? Mine ngekhuta kanye nje kome lwandle, ngigucula imifula ibe lugwadvule, tinhlanti tayo tibole ngenca yekweswela emanti, tife, tibulawe koma.

Isaya 64:2

Shangatsi kungafanana nemlilo nawulumekela tinsaba, ushisise emanti aze abile! Yehla, utekwenta kutsi titsa takho tilati Libito lakho, wente netive titfutfumele embikwakho!

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 31:35

Naku lokushiwo nguSimakadze, lowo lowabeka lilanga kutsi likhanyise emini, wamisa inyanga netinkhanyeti kutsi tibokhanyisa ebusuku, lowo lotamatisa lwandle kuze emagagasi alo abhodle, nguSimakadze longuSomandla libito lakhe, utsi:

Danyela 6:26

“Ngikhipha umtsetfosimemetelo kutsi kuyo yonkhe indzawo lelapha embusweni wami bantfu kufanele bamesabe babuye bamhloniphe Nkulunkulu waDanyela. “Ngobe unguNkulunkulu lophilako, futsi uyawuhlala akhona phakadze naphakadze; umbuso wakhe ungeke ubhujiswe, yebo, umbuso wakhe ungeke uphele.

Amose 4:12

“Ngako-ke, ma-Israyeli, ngitanijezisa; futsi njengobe ngitakwenta njalo nje, tilungiseleleni kubhekana naNkulunkulu wenu, nine ma-Israyeli!”

Amose 9:6

ngiyo leyakha sigodlo sayo lesiphakeme emazulwini, sisekelo sayo isimbele emhlabatsini, yona lememeta emanti aselwandle bese iwacitsela etikwebuso bemhlaba, libito layo nguSimakadze.

Jona 1:16

Loko kwenta lamatilosi esabe Simakadze kakhulu kangangekutsi adzimate amentela umhlatjelo; etsembisa nekumkhonta.

Nahume 1:4

Wekhuta lwandle, kome emanti alo; womisa yonkhe imifula yemanti. Tikhotsa taseBhashani tiyoma, iNtsaba iKhameli ihamuke, timbali taseLebanoni tibune.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Makho 4:39

Wavuka wekhuta lomoya watsi kulolwandle: “Thula, utsi nya!” Umoya wakhawula khona lapho, kwathula kwatsi nya.

Lukha 12:5

Kodvwa ngitaneluleka ngalenifanele kumesaba. Mesabeni lowo longuYena anemandla ekubulala umtimba aphindze ashisane esihogweni; yebo, nginitjela ngitsi: Yesabani lowo!

Dutheronomi 28:58

“Naningawalandzeli ngekunakekela onkhe emavi alomtsetfo labhalwe kulencwadzi, ningalihloniphi nalelibito lenkhatimulo lebabatekako, lelitsi: Simakadze Nkulunkulu wenu,

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”