Jeremiya 5:19 - Siswati 1996 Bible

Bantfu nabakubuta, Jeremiya, batsi: ‘Simakadze ukwenteleni konkhe loku kitsi?’ uyawubatjela utsi: ‘Njengobe ningishiyile mine nakhonta labanye bonkulunkulu betive eveni lenu, ngako manje seniyawukhonta betive eveni lekungesilo lenu.’ ”

Jeremiya 5:19 Referencias Cruzadas

Jeremiya 13:22

Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.

Jeremiya 16:13

Ngako-ke ngitanikhipha kulelive, nginiyise eveni leningazange senilati, nine kanye naboyihlo; lapho-ke niyawufike nikhonte labanye bonkulunkulu busuku nemini, ngobe angisayikuniphatsa ngesihe.’ ”

Jeremiya 17:4

Ngenca yemacala enu niyawulahlekelwa lifa lenganinika lona. Ngitanigcilata ngetitsa tenu eveni leningalati, ngobe niluchukulutile lulaka lwami, futsi lutanivutsela phakadze naphakadze.”

Jeremiya 2:13

“Sive sami sente tono letimbili: Singishiyile mine, mtfombo wemanti ekuphila, satimbela ticojana taso emadvwaleni, ticojana letinetimbobo letingeke tiwemise emanti.”

Jeremiya 2:14

“Kungabe Israyeli uyinceku yini nome usigcili sekutalwa? Kepha, kwentiwe yini kutsi abe yimphango?

Jeremiya 2:35

wena utsi: ‘Angati lutfo; akangitfukutseleli.’ Kodvwa mine ngitakwehlulela, ngobe utsi: ‘Angikoni lutfo.’

Jeremiya 5:18

Simakadze utsi: “Noko ngisho nakulawo malanga ngingeke nginibhubhise nginicedze.

Jeremiya 5:20

“Memetelani loku endlini yaJakobe, nikumemetele nakaJuda nitsi:

Jeremiya 9:12

Ngubani umuntfu lohlakaniphile kangangekutsi angakucondza loku? Ngubani lofundziswe nguSimakadze kutsi angakuchaza loku? Lelive lentiwe leni laba tindzala njengelihlane lokutsi kubete muntfu lowendlula ekhatsi kulo?

Jeremiya 9:13

Simakadze watsi: “Kungenca yekutsi bawufulatsele umtsetfo wami lengababekela wona; abakangilaleli, kantsi futsi abakawulandzeli umtsetfo wami.

Sililo 5:8

Tigcili tibusa etikwetfu, kute namunye longasikhulula etandleni tato.