Jeremiya 49:22 - Siswati 1996 Bible Njengelusweti lwendlele timphiko talo uyawujubalata antjweze ehlele etikweBhosra. Ngalelo langa tinhlitiyo tetingwazi taka-Edomu tiyawuba njengenhlitiyo yemfati, nakaphetfwe ngumhelo.” |
Yindlela yelusweti esibhakabhakeni, nendlela yenyoka edvwaleni, nendlela yemkhumbi elwandle, nendlela yelijaha entfombini.
Bayawukwehla emaceleni aseFilistiya bawahlasele enshonalanga, bobabili bayawuphanga bantfu labahlala emphumalanga. Bayawulidla live laka-Edomu nelakaMowabi, babuse etikwema-Amoni.
kutfutfumela kubabambe, tinhlungu nekucacamba kubantfonye, bajilajileke njengemfati aphetfwe ngumhelo. Bayawubukana ngekumangala, buso babo buvutse emalangabi.
Nginelusizi ngalombono lengiwubonile, buhlungu bungibambile, njengemhelo ufikela umfati nasatawubeleka. Kuyangetfusa loko lengikuvako, ngiyamangala ngaloko lengikubona ngemehlo ami.
Njengemfati lokhulelwe nasatawubeleka, uyajilajileka, akhale ngenca yemihelo, natsi sasinjalo ebukhoneni bakho, awu, Simakadze!
Uyawutsini-ke ngesikhatsi Simakadze asabeka etikwakho labo lebewubetayeta kutsi babe bangani bakho? Buhlungu bungeke yini bukubambise kwemfati nakabeleka?
Wena lohlala ‘eLebanoni,’ lotitfukuse etindlini temisedari, maye uyawufa kuquma kanjani nase wehlelwa tinhlungu, tinhlungu letifanana netemhelo wemfati nakabeleka!”
Butani nibone: Umuntfu lomdvuna wake wamtala yini umntfwana? Manje-ke kwenteka kanjani lokutsi ngibone onkhe emadvodza lanemandla abambe tisu njengemfati nakaphetfwe ngumhelo, onkhe anebuso lobugcungce kwekufa?
Bukelani, usondzela ukhephuka njengemafu, tincola takhe temphi tiyayalutela njengesiwunguwungwana, emahhashi akhe agijima kwendlula tinsweti.
Ngiva kukhala lokunjengekwemfati lophetfwe ngumhelo, kuquma lokunjengekwalowo lobeleka litubulo lakhe, kukhala kweNdvodzakati yaseSiyoni, lephefumulela etulu, leyelula tandla tayo itsi: “Maye, ngiyacaleka, kuphila kwami kunikelwe etandleni tebabulali.”
IDamaseko seyibutsakatsaka, seyigucukele kubaleka, nekutfutfumela kuyibambile, kudzabuka kwenhlitiyo neminjunju kuyibambile, iminjunju lenjengeyemfati, nakaphetfwe ngumhelo.
“Kulengela inkemba etikwebaphrofethi bayo bemanga, bayawuba tilima. Inkemba ilengela etikwemabutfo ayo, agcwale kwesaba.
Inkhosi yaseBhabhulona ive imibiko ngabo, nyalo imikhono yayo seyiyalenga nje, kucacamba kwenhlitiyo sekuyibambile, iminjunju lenjengeyemfati nakaphetfwe ngumhelo.
Siyivile imibiko ngabo, saphela emandla, imikhono yetfu iyalenga nje kitsi, sibanjwe kudzabuka nekwesaba lokukhulu, tinhlungu letifanana netemfati lobelekako.
“Sekucala sasinjengelibhubesi, futsi sasinetimphiko telusweti: Ngabukisisa, taze timphiko taso tahleshulwa, lesilo saphakanyiswa emhlabatsini kuze sime ngetinyawo taso letimbili njengemuntfu, sase sinikwa inhlitiyo yemuntfu.
“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.
Emabutfo akho, Themani, ayakutfutfumela, bonkhe bantfu labaseveni letintsaba, lekulive laka-Edomu, bayakubulawa.”
“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,
Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.