Jeremiya 48:45 - Siswati 1996 Bible

“Esitfuntini saseHeshboni lababalekako bayema nje bangasitakali, ngobe kubhedvuke umlilo eHeshboni, lilangabi lelikhulu ligqamuke ekhatsi eSihoni, lashisa emabunti akaMowabi, netinkhakhayi talabatigabatisako babange umsindvo.

Jeremiya 48:45 Referencias Cruzadas

Tihlabelelo 135:11

Wabulala Sihoni, inkhosi yema-Amori. Wabulala Ogi, inkhosi yaseBhashani, kanye nawo onkhe emakhosi aseKhenani.

Tihlabelelo 78:63

Emajaha abo acotfulwa ngumlilo, tintfombi tabo tandzindza lababengatiteka.

Jeremiya 2:16

Kanjalo futsi nebantfu baseMemfisi nebaseThaphanesi bahhumbule lukhakhayi lwenhloko yakho.

Jeremiya 48:2

IMowabi ayisayiwuphindza idvunyiswe; eHeshboni emadvodza ayawuyakhela emasu ekuyiwisa atsi: ‘Buyani sitewusicedza lesive, singaphindzi sibe sive.’ Nawe futsi wena Madmeni, uyawubindziswa, uyawuvalwa umlomo, uyawube ucoshwa yinkemba.

Amose 2:2

Ngako-ke ngitakwehlisela umlilo etikwaMowabi, lotawucotfula tigodlo taseKheriyothi. Bantfu bakaMowabi bayawufela emsindvweni lomkhulu wemphi ngesikhatsi nakuliwa imphi, emkhatsini wekukhala bumayemaye bemabutfo kanye nasekukhaleni kwelicilongo.

Zakhariya 10:4

KaJuda kuyawuvela litje lesisekelo, kuye kuyawuphuma sikhonkhwane sekusimisa lithende, nebutjoki basemphini, kuvele kuye bonkhe babusi.

Numeri 21:21

Sive saka-Israyeli satfumela titfunywa kuSihoni, inkhosi yema-Amori, satsi:

Numeri 21:26

IHeshboni bekulidolobha laSihoni, inkhosi yema-Amori, leyayike yalwa nalenkhosi leyayingeyemaMowabi, yatsatsa lonkhe live layo kuze kuyewugcina e-Anoni.

Numeri 21:28

“KuleHeshboni kwase kuphuma umlilo, lilangabi lelidolobha laSihoni. Lashisa i-Ari yakaMowabi, takhamiti tasetintsabeni, e-Anoni.

Numeri 21:29

Nako kini, sive sakaMowabi! Nibhujisiwe nine sive sakaKhemoshi! Uyekelele emadvodzana akhe, aba bakhoseli; kwatsi emadvodzakati akhe aba titfunjwa taSihoni, inkhosi yema-Amori.

Numeri 24:17

“Ngiyambona, noko, hhayi nyalo; ngibuke kuye, noko, akekho edvute. Inkhanyeti iyawuvela kuJakobe, intfonga yebukhosi iyawumila ka-Israyeli, uyawupitjita tinhloko tesive sakaMowabi, tinkhakhayi tawo onkhe emadvodza akaShethi.

Matewu 21:42

Jesu watsi kubo: “Anizange nifundze yini emiBhalweni kutsi: “ ‘Litje lelaliwa bakhi, ngobe batsi alinamsebenti, ligucuke laba litje lekusimisa indlu? Loko kwentiwa yiNkhosi. Maye, kuyasimangalisa!’