Jeremiya 34:9 - Siswati 1996 Bible

Bonkhe bantfu kwakufanele bakhulule tigcili tabo letingemaHebheru, bonkhe labadvuna nalabasikati; bekufanele kubete namunye losagcilate umnakabo longumJuda.

Jeremiya 34:9 Referencias Cruzadas

Genesisi 14:13

Lomunye waphunyuka wabaleka wayawubikela Abrama, umHebheru, labehlala ngasetihlahleni tema-okhi aMamre, um-Amori, umnakabo-Eshkoli na-Aneri. Bonkhe-ke laba bebabambisene na-Abrama.

Genesisi 40:15

Empeleni ngebiwa eveni lemaHebheru; kunjalo nje nakhona lapha eGibhithe kute lengikwentile lokubangele kutsi ngifakwe lapha ejele.”

Eksodusi 2:6

Lendvodzakati yaFaro yatsi nayisivula lesitja, yakhandza kuneluswane lwemfana, lukhala. Yaluhawukela, yase itsi: “Lolu ngulolunye lwetinswane temaHebheru.”

Eksodusi 3:18

“Bantfu bami batakulalela loko lokushoko. Wena-ke nebaholi bema-Israyeli nitawube seniya kuFaro, inkhosi yaseGibhithe, nifike nitsi: ‘Simakadze, Nkulunkulu wemaHebheru uhlangene natsi. Sicela kutsi usikhulule sitsatse luhambo lwemalanga lamatsatfu siye ehlane, kuze siyekwenta umhlatjelo kuSimakadze longuNkulunkulu wetfu.’

Jeremiya 25:14

Bona matfupha bayawugcilatwa tive letinyenti nangemakhosi lamakhulu. Ngiyawubakhokhela ngaloko lokubafanele ngetento tabo nangemsebenti wetandla tabo.”

Jeremiya 27:7

Tive tonkhe tiyawumkhonta, nendvodzana yakhe kanye nemtukulu wakhe, kuze kube sikhatsi lapho live lakhe liwa khona, tive letinyenti nemakhosi lamakhulu amehlule.

Jeremiya 30:8

“ ‘Ngalelo langa ngiyawulephula lijoko etintsanyeni tabo, ngitidzabule tibopho tabo; betive abaseyiwubagcilata,’ kusho Simakadze longuSomandla.

Jeremiya 34:10

Ngako tonkhe tindvuna nebantfu labangena kulesivumelwane bavumelana kutsi batatikhulula tigcili tabo letidvuna naletisikati, bangabe basabagcilata. Bavumelana, base bayatikhulula letigcili.

1 kubaseKorinthe 6:8

Kodvwa nine niyona nidlelele, nekwenta kubazalwane.

2 kubaseKorinthe 11:22

BangemaHebheru yini? Nami nginguye. Bangema-Israyeli yini? Nami nginguye. Batitukulwane ta-Abrahama yini? Mine-ke ngingiso.

Dutheronomi 15:12

“Nangabe umnakenu longumHebheru, indvodza nome umfati, atsengiswa kuwe, abotsi angakusebentela iminyaka lesitfupha, ngemnyaka wesikhombisa umkhulule ahambe.

KubaseFiliphi 3:5

Ngobe ngasokwa ngelilanga lesiphohlongo, futsi ngiweluhlanga lwaka-Israyeli, wesive sakaBhenjamini, umHebheru wemaHebheru; ngekwemtsetfo ngingumFarisi.

1 Samuweli 14:11

Ngako bahamba bobabili, bafike batibonakalisa enkambu yemaFilisti. EmaFilisti atsi: “Ase nibuke! EmaHebheru akhokhotela aphuma emigodzini labebhace kuyo.”

1 Samuweli 4:6

EmaFilisti atsi nakeva lomsindvo lomkhulu kangaka, abutana atsi: “Wani lomsindvo longaka losenkambu yemaHebheru?” Batsi kube beve kutsi libhokisi lesivumelwane saSimakadze selifikile enkambu,

1 Samuweli 4:9

Cinani-ke, maFilisti! Banini ngemadvodza, ngaphandle kwaloko nitawuba tigcili temaHebheru, njengobe nawo abetigcili tenu. Banini ngemadvodza, nilwe!”