Bakha luzungu ngaye eJerusalema, wase uyabaleka waya eLakhishi; kodvwa batfumela emadvodza amcosha, afike ambulalela khona eLakhishi.
Jeremiya 34:7 - Siswati 1996 Bible ngesikhatsi emabutfo enkhosi yaseBhabhulona alwa neJerusalema kanye nalamanye emadolobha akaJuda labesabambelele angakehlulwa, iLakhishi ne-Azekha. Lawa bekungiwo odvwana emadolobha labebiyelwe labesele kaJuda. |
Bakha luzungu ngaye eJerusalema, wase uyabaleka waya eLakhishi; kodvwa batfumela emadvodza amcosha, afike ambulalela khona eLakhishi.
Lendvuna lenkhulu yemphi yatsi kube ive kutsi inkhosi yase-Asiriya ayisekho eLakhishi, yase iyancandzeka nayo, yakhandza inkhosi ibambene etulu neLibna.
Wakha emadolobha emagcumeni akaJuda, kwatsi tinqaba nemibhoshongo wakwakha etindzaweni letatinemahlatsi.
Inkhosi yase-Asiriya yase itfumela indvuna yayo lenkhulu yemphi kanye nalelikhulu libutfo lemphi lelesuka eLakhishi, laya enkhosini Hezekiya eJerusalema. Kwatsi lendvuna lenkhulu yemphi nayima ngasemseleni wesitiba lesisenhla, emgwacweni loya eNsimini yeMgezi Wetingubo,
Emadolobha akaJuda kanye nebantfu baseJerusalema bayawuhamba bayewukhala kubonkulunkulu labatfuncisa kubo imphepho, kodvwa bangeke babasite nakancane nje nase behlelwa ngulenhlekelele.
Kwatsi ngesikhatsi Nebukhadnezari, inkhosi yaseBhabhulona, nawo onkhe emabutfo akhe, nayo yonkhe imibuso yakhe, netive tonkhe letatingaphansi kwakhe tisalwa neJerusalema nawo onkhe emadolobha layitungeletile, kwefika livi kuJeremiya liphuma kuSimakadze, latsi:
“Memetelani kaJuda nibatjele nebaseJerusalema, nitsi: “ ‘Shayani licilongo kulo lonkhe live!’ Memetani kakhulu nitsi: ‘Butsanani ndzawonye! Asibalekeni siye emadolobheni labiyelwe.’
“Sihlaleleni kantsi lapha? Butsanani ndzawonye! Asibalekeni siye emadolobheni labiyelwe, siyewufela khona! Ngobe Simakadze Nkulunkulu wetfu sewusimisele kutsi sibhubhe, wasinika emanti lanashevu kutsi siwanatse, ngobe sonile kuye.
Nine lenihlala eLakhishi, bophelani emahhashi enu etincoleni, ngobe ngini lenaholela iSiyoni esonweni, tono ta-Israyeli takhandzakala kini.
Tiyawuvimbetela onkhe emadolobha lasaseveni lenu, kuze kuwe naletibondza letindze lenetsembele kuto. Tiyawuvimbetela onkhe emadolobha laseveni lenu Simakadze Nkulunkulu lanipha lona.
Ngako Adoni Sedeki, inkhosi yaseJerusalema, wancenga boHohamu, inkhosi yaseHebroni, naPhiramu, inkhosi yaseJamuthi, naJafiya, inkhosi yaseLakhishi, naDebiri, inkhosi yase-Egloni, watsi:
Ngako-ke lamakhosi lasihlanu ema-Amori, inkhosi yaseJerusalema, neyaseHebroni, neyaseJamuthi, neyaseLakhishi, neyase-Egloni, ahlanganisa emabutfo awo awahlela ase ayashuca enyukela eGibeyoni, ayihlasela.