Jeremiya 33:21 - Siswati 1996 Bible

ngako sivumelwane sami naDavide, inceku yami, kanye nesivumelwane sami nemaLevi labaphristi labakhonta embikwami, naso-ke siyakwephulwa, naDavide ngeke abe asaba nesitukulwane lesitawubusa esihlalweni sakhe sebukhosi.

Jeremiya 33:21 Referencias Cruzadas

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

2 Tikhronike 21:7

Noko ngenca yesivumelwane Simakadze labesente naDavide, Simakadze abengakatimiseli kuyibhubhisa indlu yakaDavide. Abetsembisile kutsi uyawutigcinela sibane endlini yakaDavide kuze kube nguphakadze naphakadze.

2 Tikhronike 7:18

ngiyawusimisa sihlalo sakho sebukhosi, njengobe ngametsembisa Davide, uyihlo, ngesikhatsi ngitsi: ‘Akuyikwenteka kutsi weswele umuntfu loyawuba ngumbusi wema-Israyeli.’

Tihlabelelo 132:17

Ngiyawuvusa lomunye wetitukulwane taDavide, ngimente abe yinkhosi lenkhulu. Umgcotjwa wami ngimlungiselele sibane, kutsi bukhosi bakhe bukhanye njalo.

Tihlabelelo 89:34

Sivumelwane sami ngingeke ngisephule; nemavi lese ngiwakhulumile ngingeke ngiwagucule.

Tihlabelelo 89:36

Intalo yakhe iyawuma kuze kube phakadze, nesihlalo sakhe sebukhosi asiyiwugucuka, siyawuma njengelilanga lelisembikwami.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Jeremiya 33:18

ngisho nebaphristi imbala labangemaLevi, bangeke beswele indvodza letakuma embikwami njalonjalo kutekwenta iminikelo yalokutinhlavu, kanye nekwetfula imihlatjelo.’ ”

Danyela 7:14

Wanikwa emandla ekubusa, nenkhatimulo, nebukhosi. Bonkhe bantfu, netive, nebantfu bato tonkhe tilwimi bakhotsama kuye bamkhonta. Kubusa kwakhe kukubusa kwaphakadze naphakadze lokungasoze kwaphela, nembuso wakhe ngulowo longasoze wacitfwa.”

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”