Jeremiya 31:35 - Siswati 1996 Bible

Naku lokushiwo nguSimakadze, lowo lowabeka lilanga kutsi likhanyise emini, wamisa inyanga netinkhanyeti kutsi tibokhanyisa ebusuku, lowo lotamatisa lwandle kuze emagagasi alo abhodle, nguSimakadze longuSomandla libito lakhe, utsi:

Jeremiya 31:35 Referencias Cruzadas

Jobe 26:12

Ngemandla akhe wathulisa lwandle, ngekuhlakanipha kwakhe wagawula Rahabi waba ticucu.

Jobe 38:33

Uyayati yini imitsetfo yasemazulwini? Leyo mitsetfo ungayenta yini kutsi isebente lapha emhlabeni?

Tihlabelelo 106:9

Wakhalimela Lwandle Lolubovu, lwasha, wabeweta ekujuleni kwalo, kwaba shangatsi bahamba ehlane.

Tihlabelelo 119:89

Yebo, Simakadze, livi lakho lime kuze kube phakadze, lime licinile ezulwini.

Tihlabelelo 119:91

Seloku kwema mhlazana kumiswa nguwe, ngobe konkhe kufanele kukhonte wena.

Tihlabelelo 148:6

Wakumisa etindzaweni tako phakadze naphakadze, wakushayela umtsetfo longenakweciwa.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 72:5

Shangatsi bangesaba wena, bakwesabe emini kukhanya lilanga, bakwesabe nome sekukhanya inyanga, titukulwane ngetitukulwane.

Tihlabelelo 74:13

Nguwe lowehlukanisa lwandle ngemandla akho, nguwe lowafohlota tilwane letinkhulu taselwandle.

Tihlabelelo 74:16

Imini yakho, nebusuku bakho, nguwe lowenta kukhanya nelilanga.

Tihlabelelo 78:13

Wehlukanisa lwandle, wabeweta kulo, wemisa emanti, kwaba shangatsi tindvonga.

Tihlabelelo 89:2

Ngobe ngitsite: Umusa wakho utawuma kuze kube phakadze, nekwetsembeka kwakho utakumisa ezulwini.

Isaya 48:2

nine lenitibita ngekutsi nitakhamiti tasedolobheni lelingcwele, netsembele kuNkulunkulu wema-Israyeli, Simakadze longuSomandla libito lakhe, lalelani naku:

Isaya 51:15

Ngobe nginguSimakadze Nkulunkulu wakho, lonyakatisa lwandle kubhodle emagagasi alo, nguSimakadze longuSomandla libito lakhe.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 63:12

lowatfumela umkhono wakhe lonemandla lamangalisako, kutsi ube ngasesandleni saMose sekudla, lowehlukanisa emanti embikwabo, aze atakhele yena Libito lelineludvumo lwaphakadze?

Jeremiya 10:16

Lowo Losabelo sakaJakobe akafanani naleti, ngobe yena unguMenti wato tonkhe tintfo, wamenta na-Israyeli, sive lesilifa lakhe, nguSimakadze Somandla libito lakhe.

Jeremiya 32:18

Ubaphatsa ngelutsandvo labatinkhulungwane, kodvwa wehlisele sijeziso ngetono taboyise ematsangeni ebantfwababo emvakwabo. Awu Nkulunkulu, wena lomkhulu nalonemandla, lolibito lakhe kunguSimakadze longuSomandla,

Jeremiya 33:20

“Naku lokushiwo nguSimakadze, utsi: ‘Naningephula sivumelwane sami nelilanga, nesivumelwane sami nebusuku, kuze kutsi lilanga nebusuku kungabe kusasebenta ngesikhatsi sako,

Jeremiya 33:25

Naku lokushiwo nguSimakadze, utsi: ‘Kube bengingakasimisi sivumelwane sami nelilanga, nebusuku, ngingakamisi nemitsetfo yelizulu nemhlaba,

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 46:18

“Ngifunga kuphila kwami,” kusho iNkhosi, lelibito layo kunguSimakadze longuSomandla, “kuyawufika lowo lonemandla njengeThabori emkhatsini wetintsaba, nanjengeKhameli ngaselwandle.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Jeremiya 50:34

Noko uMhlengi wabo unemandla; nguSimakadze Somandla libito lakhe. Uyakumela indzaba yabo ngemandla, kuze atewuletsa kuphumula eveni labo, kodvwa kungabi nakuthula kulabo labahlala eBhabhulona.

Jeremiya 51:19

Lowo Losabelo sakaJakobe akafanani naleti, ngobe yena unguMenti wato tonkhe tintfo, ngisho newesive lesilifa lakhe. Libito lakhe nguSimakadze longuSomandla.

Hoseya 13:14

“Ngiyawubahlawulela yini emandleni elithuna ngibahlenge ekufeni? Ye Kufa, tiphi tifo takho letibulalanako? Ye Thuna, kuphi kubhubhisa kwakho? “Ngiyawubate sihawu.

Amose 9:8

Naku-ke lokushiwo nguSimakadze, utsi: “Ngempela emehlo eNkhosi Simakadze asetikwawo wonkhe lowo mbuso lowonako. Ngiyakuwubhubhisa ungabikho ebusweni bemhlaba, noko ngingeke ngiyibhubhise yonkhe indlu yakaJakobe.

Matewu 5:45

kuze nitewuba ngemadvodzana eYihlo losezulwini. Ngobe yena uphumisa lilanga lakhe kulababi nalabahle, anise imvula yakhe kulabalungile nalabangakalungi.

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.