Jeremiya 31:2 - Siswati 1996 Bible Naku lokushiwo nguSimakadze, utsi: “Sive lesisindze enkembeni siyawuzuza umusa ehlane; ngiyawuta ngitewuletsa kuphumula ka-Israyeli.” |
Ngako-ke ngatfukutsela ngadzimate ngafunga ngabo ngatsi: ‘Bangeke bangene ekuphumuleni kwami.’ ”
“Nanibelekisa bafati bemaHebheru, kubotsi luswane nalungumfana nilubulale, kodvwa naluyintfombatane ningalubulali.”
Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”
Ema-Israyeli aphuma eRamsesi; ahamba aze efika eSukhothi. Emadvodza labekhona lapho ahamba ngetinyawo abengaba ti-600 000 ngaphandle kwebafati nebantfwana.
Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.
Takhuluma kuboMosi na-Aroni tatsi: “Shangatsi Simakadze angakubona loko lesenikwentile, anijezise, ngobe senente liphunga letfu lenyanyeka kuFaro nakutiphatsimandla takhe. Senibahlomisile kuze kutsi basibulale kalula.”
“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.
Ngiyawunimikisa ehlane letive, lapho-ke siyawube sibukene buso nebuso, ngiyawukhipha sigwebo senu kini.
Ngabadvonsa ngetintsambo temusa webuntfu, ngetibopho telutsandvo; ngaphakamisa lijoko entsanyeni yabo, ngagobondzelela kubo, ngabafunta.
Satsi sive sema-Israyeli nasisuka eNtsabeni yaSimakadze, satsatsa emalanga lamatsatfu sihamba. Libhokisi lesivumelwane saSimakadze lalihamba embikwabo ngawo onkhe lawo malanga lamatsatfu, libabukela indzawo lapho kwakufanele baphumule khona.
Simakadze Nkulunkulu wenu, lohamba embikwenu, utanilwela njengobe enta eGibhithe embikwenu nibuka,
labehamba embikwenu, ngemlilo ebusuku nangelifu emini. Loko abekwentela kunifunela tindzawo lapho ningemisa khona, nekutsi anikhombise indlela lekufanele nihambe ngayo.”
“Simakadze Nkulunkulu wenu unibusisile ngayo yonkhe imisebenti yenu yetandla leniyentako. Uninakekele ngesikhatsi nisahamba nidzabula lelihlane lelikhulukati. Kuyo yonkhe leminyaka lengema-40 Simakadze Nkulunkulu wenu abesolomane anani, anizange seneswele lutfo.
Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.
“Khumbulani umyalo waMosi, inceku yaSimakadze, laninika wona watsi: ‘Simakadze Nkulunkulu wenu sewuniphile lelive kutsi libe yindzawo yenu yekuphumula.’