Umise sive sakho, ema-Israyeli, sibe sive lesingusona sisakho phakadze naphakadze, wena-ke Simakadze, sewaba nguNkulunkulu waso.
Jeremiya 31:1 - Siswati 1996 Bible Simakadze utsi: “Ngaleso sikhatsi ngiyawuba nguNkulunkulu wato tonkhe tinsendvo taka-Israyeli, tona tiyawuba sive sami.” |
Umise sive sakho, ema-Israyeli, sibe sive lesingusona sisakho phakadze naphakadze, wena-ke Simakadze, sewaba nguNkulunkulu waso.
Sibusisiwe sive lesinaletibusiso! Sibusisiwe leso sive Nkulunkulu waso lekunguSimakadze!
kutsi loNkulunkulu unguNkulunkulu wetfu phakadze naphakadze; uyawusihola ngisho nasekufeni.
Ngalelo langa bantfu labahlala kulolugu bayawutsi: ‘Ase nibuke kutsi sekwentekeni kulabantfu lebesetsembele kubo, labo lesabalekela kubo sayawucela lusito nekukhululwa enkhosini yase-Asiriya! Pho-ke, sesitawuphunyula kanjani?’ ”
Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.
Ngalawo malanga ayo Juda uyawusindziswa, na-Israyeli uyawuhlala aphephile. Leli libito lakhe layawubitwa ngalo, kutsiwe: Simakadze Kulunga Kwetfu.”
Kulawo malanga indlu yakaJuda iyawutihlanganisa nendlu yaka-Israyeli, bete kanyekanye baphuma eveni lelingasenyakatfo, batewungena eveni lengalipha boyisemkhulu kutsi libe lifa labo.”
“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.
Lulaka lolwesabekako lwaSimakadze lungeke luncandzeke, aze asiphumelelise ngalokuphelele sifiso lesisenhlitiyweni yakhe. Loku niyawukucondza kahle ngemalanga letako.
Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.”
Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.
“Simakadze utsi: ‘Ayeta emalanga, lapho ngiyawusifeza khona setsembiso semusa lengasenta kuyo indlu yaka-Israyeli kanye nendlu yakaJuda.
Ngiyawubuyisa bakaJuda nema-Israyeli ekutfunjweni, ngibuye ngibakhe kabusha babe njengaloku babenjalo kucala.
Simakadze utsi: “Kulawo malanga, nangaleso sikhatsi, bantfu baka-Israyeli nebantfu bakaJuda bayawuhamba kanyekanye, bonkhe bayawukhala tinyembeti sebahamba bafunana naSimakadze Nkulunkulu wabo.
Bayawube sebalandzela timiso tami, banakekele kugcina imitsetfo yami. Bayawuba bantfu bami, mine ngibe nguNkulunkulu wabo.
Mine Simakadze ngiyawuba nguNkulunkulu wato, nenceku yami Davide abe yinkhosi emkhatsini wato. Mine, Simakadze, sengikhulumile.
“ ‘Nine, timvu tami, timvu telidlelo lami, nisive sami, mine nginguNkulunkulu wenu, kusho iNkhosi Simakadze.’ ”
Niyawuhlala eveni lengalipha boyihlomkhulu, niyawuba sive sami, mine ngibe nguNkulunkulu wenu.
Kusukela ngalelo langa kuye embili indlu yaka-Israyeli iyawungati kutsi mine nginguSimakadze Nkulunkulu wayo.
“Ngako-ke naku lokushiwo yiNkhosi Simakadze, itsi: Manje sengitambuyisa Jakobe ekutfunjweni, ngibe nesihawu kubo bonkhe bantfu baka-Israyeli, ngiyawulishisekela Libito lami lelingcwele.
Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.
Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”
Jesu watsi: “Ungangitsintsi, ngobe ngisengakenyukeli kuBabe, kodvwa hamba uye kubazalwane bami ubatjele kutsi sengiyenyuka ngibuyela kuye longuBabe wami neYihlo, Nkulunkulu wami naNkulunkulu wenu.”
Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”
Akubete logwadlako, nome lophingako, nome lonaka live njenga-Esawu, lowatsenga kudla ngemalungelo akhe onkhe ebutubulo.