Jakobe wesaba kakhulu waba neluvalo. Wehlukanisa labantfu abehamba nabo, wabenta emacembu lamabili, kanjalo nemihlambi yetimvu, neyetimbuti, neyetinkhomo kanye neyemakamela nako wakwenta njalo.
Jeremiya 30:7 - Siswati 1996 Bible Maye, liyesabeka lelo langa, kute leliyawuse libe njengalo. Kuyawuba sikhatsi senhlupheko kaJakobe, kodvwa uyawusindziswa kuso. |
Jakobe wesaba kakhulu waba neluvalo. Wehlukanisa labantfu abehamba nabo, wabenta emacembu lamabili, kanjalo nemihlambi yetimvu, neyetimbuti, neyetinkhomo kanye neyemakamela nako wakwenta njalo.
Lolungile uhlala ajingwe tinhlupheko letinyenti, kodvwa Simakadze umkhulula kuto tonkhe,
Ngalelo langa bantfu labahlala kulolugu bayawutsi: ‘Ase nibuke kutsi sekwentekeni kulabantfu lebesetsembele kubo, labo lesabalekela kubo sayawucela lusito nekukhululwa enkhosini yase-Asiriya! Pho-ke, sesitawuphunyula kanjani?’ ”
Awu, Tsemba la-Israyeli, Msindzisi wakhe ngetikhatsi telusizi, wentelani kuba njengemfokati eveni, nanjengesihambi lesihlala busuku bunye nje?
Bakhuluma elugodvweni batsi: ‘Wena ungubabe wami,’ nasetjeni bakhulume batsi: ‘Wena wangitala.’ Bangifulatsele, bafihla buso babo kimi, kodvwa batsi nase bahluphekile bese batsi: ‘Kota utesisindzisa!’
Baphi kantsi labonkulunkulu benu lenatentela bona? Abete phela, nangabe banganisindzisa nanisekuhluphekeni! Maye Juda, ninabonkulunkulu labanyenti ngangemadolobha enu.
“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.
“Akusho lutfo yini kini, nonkhe nine lenendlula ngendlela? Calatani ndzawo tonkhe nibone. Kukhona yini kuhlupheka lokufanana nekwami kuhlupheka lokwehliselwa kimi, kuhlupheka Simakadze langishaya ngako ngelilanga lekutfukutsela kwakhe lokwesabekako?
Ngingatsini nje ngawe? Ngingakufananisa nani nje, wena Ndvodzakati yaseJerusalema? Yini nje lengingakulinganisa nayo, kuze ngikudvudvute, wena Ntfombi yaseSiyoni? Linceba lakho lishona njengelwandle. Ngubani longakwelapha?
Sijeziso sebantfu bami sikhulu kunesalabo baseSodoma, lababhujiswa ngemzuzwana munye, kwabate nasinye sandla lesabelekelela.
“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.
Uwagcwalisile emavi akho lowawakhuluma ngatsi nangebabusi betfu, uwagcwalise ngekwehlisela inhlekelele lenkhulu etikwetfu. Kute nakunye lokwake kwenteka ngaphansi kwelizulu lokunjengaloku lokwenteke kuyo iJerusalema.
Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.
Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.
Lalelani naku, nine baholi, nani nonkhe lenihlala kulelive. Kwase kwenteka yini loku ngetikhatsi tenu nome ngetikhatsi taboyihlomkhulu?
Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?
Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.
Nikhalelani kakhulu kangaka? Yini nikhale nijilajile njengemfati aphetfwe ngumhelo? Kungobe anisenayo yini inkhosi, nebaholi benu sebafile yini?
Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.
Kuyakuba lilanga leliyincophamlandvo, leliyawubate imini nebusuku, lilanga lelatiwa nguSimakadze. Kuyawutsi nakutakuhlwa, kuvele kukhanya.
“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.
Ngobe kulawo malanga kuyawuba netinhlupheko letinkhulu, letingazange setibekhona kusukela ekucaleni kwendalo yaNkulunkulu kudzimate kube ngulamuhla, futsi tingeke tiphindze tibe khona.
Lilanga liyawuba mnyama, inyanga ibe bovu njengengati, lingakefiki lilanga lelikhulu nalelimatima leNkhosi.
Onkhe ema-Israyeli ayawusindziswa kanjalo-ke, njengobe kubhaliwe kutsi: “UMkhululi uyawuvela eSiyoni loyawususa konkhe konakala kuJakobe.