Ngenyanga yesikhombisa sive saka-Israyeli sase sitintile sihleti emadolobheni aso; sonkhe sive sahlangana saba njengemuntfu munye eJerusalema.
Jeremiya 30:3 - Siswati 1996 Bible Simakadze utsi: ‘Ayeta emalanga, lapho ngiyawulandza khona sive sami saka-Israyeli nesakaJuda ekutfunjweni ngibabuyisele eveni lengalipha boyisemkhulu kutsi libe ngelabo,’ kusho Simakadze.” |
Ngenyanga yesikhombisa sive saka-Israyeli sase sitintile sihleti emadolobheni aso; sonkhe sive sahlangana saba njengemuntfu munye eJerusalema.
Kodvwa bonkhe baphristi, nebaLevi labadzala kanye nebaholi bemindeni, lababebone lithempeli lakucala, bakhala badzindza sililo, nababona sisekelo salelithempeli sesibekwa, kantsi laba labanye bebamemeta bajabulile.
Ngenyanga yesibili emnyakeni wesibili befikile endlini yaNkulunkulu eJerusalema, Zerubhabheli, umsa waSalatiyeli, naJeshuwa, umsa waJosadaki, kanye nabomnakabo bonkhe lababesele, baphristi, nemaLevi, nabo bonkhe lababebuye eJerusalema baphuma ekutfunjweni, bacala kusebenta, babeka emaLevi labeneminyaka lengema-20 kuya etulu kutsi agcugcutele kwakhiwa kwendlu yaSimakadze.
Simakadze, sibuyisele eveni lakitsi, njengobe nemvula ibuyisela emanti etihosheni temifula.
Shangatsi ingavela eSiyoni insindziso yesive saka-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.
kodvwa bayakutsi: ‘Ngifunga kuphila kwaSimakadze, lowakhipha ema-Israyeli eveni lasenyakatfo, nakuwo onkhe emave lapho abebacoshele khona.’ Ngobe ngiyakubabuyisela kulelo live lengalinika boyisemkhulu.”
Simakadze utsi: “Ayeta emalanga, lapho ngiyawukuvusela khona Davide Ligala lelilungile, iNkhosi leyawubusa ngekuhlakanipha, yente lokucotfo nalokulungile eveni.
Kodvwa nangabe sive, nome ngusiphi, siyawukhotsamisa inhloko yaso ngaphansi kwelijoko lenkhosi yaseBhabhulona, simkhotsamele, leso sive ngiyawusenta sihlale eveni laso, sililime siphile kulo, kusho Simakadze.” ’ ”
‘Tiyawutsatfwa tiyiswe eBhabhulona, lapho tiyawuhlala khona, kuze kube ngulelo langa lengiyawufika ngalo ngitilandze. Ngiyawube sengiyatitsatsa-ke ngitibuyisele kulendzawo yato,’ kusho Simakadze.”
“Naku lokushiwo nguSimakadze, utsi: ‘Naseyiphelile iminyaka lengema-70 yeBhabhulona, ngitawufika kini ngitewugcwalisa setsembiso sami semusa kutsi nginibuyise kulendzawo.
Ngiyawutfolwa ngini nginibuyise ekutfunjweni kwenu,’ kusho Simakadze. ‘Ngiyawunibutsa kuto tonkhe tive netindzawo, lapho benginicoshele khona,’ kusho Simakadze. ‘Ngiyawunilandza nginibuyisele kuyo lendzawo lapho nganitsatsa khona naya ekudzingisweni.’
Kulawo malanga indlu yakaJuda iyawutihlanganisa nendlu yaka-Israyeli, bete kanyekanye baphuma eveni lelingasenyakatfo, batewungena eveni lengalipha boyisemkhulu kutsi libe lifa labo.”
“ ‘Ngako-ke ungesabi, wena Jakobe, nceku yami, ungapheli emandla, wena Israyeli,’ kusho Simakadze. ‘Ngempela ngiyawukusindzisa eveni lelikhashane, netitukulwane takho eveni lekutfunjwa kwato. Jakobe usetawubuye abe nekuthula kanye nekuvikeleka, kute namunye loyawubuye amesabise.
“Naku lokushiwo nguSimakadze, utsi: “ ‘Ngiyawubuyisela inhlanhla emathendeni akaJakobe, ngibe neluvelo emakhaya akhe; lidolobha liyakwakhiwa kabusha etindzaleni talo, nesigodlo siyawuma kabusha endzaweni yaso lefanele.
Naku lokushiwo nguSimakadze, utsi: “Bamba livi lakho, ungakhali, ubambe tinyembeti emehlweni akho, ngobe umsebenti wakho uyawunikwa umvuzo. Bayawubuya eveni lesitsa,” kusho Simakadze.
Naku lokushiwo nguSimakadze longuSomandla, Nkulunkulu wema-Israyeli, utsi: “Ngiyawutsi nangibabuyisa ekutfunjweni, bantfu labaseveni lakaJuda nasemadolobheni akhona bayawuphindze basebentise nankha emagama batsi: ‘Simakadze akakubusise, awu wenandlu yekulunga, awu wena ntsaba lengcwele.’
Simakadze utsi: “Emalanga ayeta, lapho ngiyawuhlanyela khona indlu yaka-Israyeli nendlu yakaJuda ngentalelwane yebantfu neyetilwane.
Simakadze utsi: “Sikhatsi siyeta, lapho ngiyawukwenta khona sivumelwane lesisha nendlu yaka-Israyeli neyakaJuda.
Simakadze utsi: “Emalanga ayeta lapho khona ngiyakwakhelwa kabusha lelidolobha kusukela eMbhoshongweni waHananeli kuye eSangweni Lelikona.
Ngempela ngiyakubabutsa kuwo onkhe emave, lapho ngangibasakatela khona ngekutfukutsela kwami lokukhulu nangelulaka lwami lolwesabekako. Ngiyawubabuyisela kuyo lendzawo, ngibente bahlale kuyo bavikelekile.
Emasimi ayawutsengwa ngesiliva, netincwadzisivumelwane tekutsenga tiyawusayinwa, tivalwe ngeluphawu, tibuye tifakazelwe eveni lakaBhenjamini, nasemakhaya lakhelene neJerusalema, nasemadolobheni akaJuda, nasemadolobheni laseveni letintsaba nasemaceleni etintsaba ngasenshonalanga, nasemadolobheni aseNegevu, ngobe ngiyawutibuyisela kubo tibusiso tabo, kusho Simakadze.”
bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”
Jeremiya abebhale encwadzini legocotwako ngato tonkhe tigemegeme letatitakwehlela iBhabhulona, konkhe loko lokwakubhaliwe macondzana neBhabhulona.
Ngulapho-ke niyawungati khona kutsi mine nginguSimakadze, nanginimikisa eveni laka-Israyeli, live lengalifungela ngekuphakamisa sandla sami kutsi ngitalipha boyihlo.
Ngiyawutikhipha emkhatsini wetive, ngitibutse emaveni, bese ngitibuyisela eveni lato. Ngiyakutelusela etintsabeni taka-Israyeli, ngasemifuleni, nasetindzaweni tonkhe letakhiwe eveni.
“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.
Kufanele nehlukaniselane ngalokulinganako emkhatsini wato. Ngobe mine ngafunga ngekuphakamisa sandla kutsi ngiyawulinika boyihlomkhulu, lelive leli liyawuba lifa lenu.
Liyawuba lemisalela yendlu yakaJuda, ngulapho-ke lapho bayawutfola khona emadlelo. Kusihlwa bayawulala phansi etindlini tase-Ashkeloni. Simakadze Nkulunkulu wabo uyawubanakekela; uyawubuyisela kubo tinhlanhla tabo.
Ngaleso sikhatsi ngiyawunibutsa; ngaleso sikhatsi ngiyawunibuyisela ekhaya. Ngiyawuninika kuhlonipheka neludvumo emkhatsini wato tonkhe tive temhlaba, nase nginibuyisela tinhlanhla tenu embikwemehlo enu nibuka,” kusho Simakadze.
Wase utsi kubafundzi bakhe: “Siyeta sikhatsi lapho niyawufisa shangatsi ningabona linye nje lemalanga eNdvodzana yeMuntfu, kodvwa ningeke nilibone.
Ngobe ayeta emalanga lapho titsa takho tiyawukuhlasela, tikuvimbetele tikuvalele ndzawo tonkhe.
“Niyakubona konkhe loku, sikhatsi siyeta lapho kuyawubate litje leliyawusala lihleti etikwalelinye; onkhe ayawudzilitelwa phansi.”
Simakadze Nkulunkulu wenu uyawunibuyisela tonkhe tibusiso tenu, anihawukele aphindze anibutse kuto tonkhe leto tive, lapho abenisakatele khona.
Simakadze Nkulunkulu wenu uyawunibuyisela eveni labokhokho benu, niyawulidla libe lenu. Uyawuniphumelelisa nibe sive lesikhulu nalesinotse kakhulu kunabokhokho benu.
Kodvwa Nkulunkulu sive sakhe usikhandza sinesici nakatsi: “Tiyeta tikhatsi,” kusho iNkhosi, “lapho ngiyakwenta sivumelwane lesisha nesive saka-Israyeli, kanye nemndeni wakaJuda.