Jeremiya 3:25 - Siswati 1996 Bible

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 3:25 Referencias Cruzadas

Tihlabelelo 106:6

Sonile tsine kanye nabokhokho betfu, sente lokubi, sonakele.

Tihlabelelo 106:7

Ngesikhatsi bokhokho baseseGibhithe abazange bacaphele timangaliso takho, futsi abazange bakhumbule bunyenti betento takho temusa, kodvwa bakuhlubuka ngaseLwandle Lolubovu.

Tihlabelelo 109:29

Shangatsi labangimangalelako bangahlazeka, shangatsi emahloni angabambonya njengengubo.

Taga 13:18

Umuntfu longayinaki imphatfocotfo uyaphuya ahlazeke; kodvwa umuntfu lowemukela kutsetsiswa uyakuhlonipheka.

Taga 5:13

Angizange ngibalalele bafundzisi bami lababengifundzisa; nome-ke kube mane ngalalela bacondzisi bami.

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Isaya 50:11

Kodvwa nyalo, nonkhe nine lenilumekela imilidlwana, nitentele nine tidlwane letivutsako, hambani-ke ningene kuloko kukhanya kwaleyo milidlwana yenu nekwaleto tidlwane tenu lesenitilumekele tona. Naku leniyawukutfola esandleni sami: Niyawulala phansi etinhlungwini letimatima.

Jeremiya 11:13

Ninabonkulunkulu labanyenti labangangalamadolobha enu, nine maJuda; nalamalati leniwamisele kutfuncisa imphepho kuwo, niyitfuncisele sithico lesilihlazo lesinguBhali, manyenti angangetitaladi taseJerusalema.’

Jeremiya 12:13

Bayawuhlanyela kolo, kodvwa bavune emanyeva; bayawutikhandla, kodvwa bangazuzi lutfo ngako. Ngako yetfwalani lihlazo ngesivuno senu, ngenca yentfukutselo leyesabekako yaSimakadze.”

Jeremiya 14:20

Awu Simakadze, siyabuvuma bubi betfu kanye nelicala labobabe betfu; impela sonile kuwe.

Jeremiya 14:7

Nome tono tetfu tisilahla ngelicala, awu Simakadze, mane wente lutfo ngenca yeLibito lakho. Ngobe kuhlubuka kwetfu kukhulu, sonile kuwe.

Jeremiya 2:17

Ngabe anikatiletseli nine yini loku, ngalokutsi nishiye Simakadze Nkulunkulu wenu ngesikhatsi asanihola kahle endleleni?

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 2:2

“Hamba uyewumemetela eJerusalema, ukhulume beva utsi: Naku lokushiwo nguSimakadze, utsi: “ ‘Ngiyakukhumbula kutinikela kwakho ebusheni bakho, kutsi wawungitsandza kanjani usengumakoti, wangilandzela kulo lonkhe lihlane, eveni lelalingakahlanyelwa lutfo.

Jeremiya 2:26

“Njengobe lisela lihlazeka nase libanjiwe, kanjalo nendlu yaka-Israyeli ihlazekile, bona, nemakhosi abo, netindvuna tabo, nebaphristi babo kanye nebaphrofethi babo.

Jeremiya 20:18

Ngangiphumelani vele esiswini? Ngaphumela kubona inhlupheko nelusizi, nekucedzela emalanga ami ehlazweni yini?

Jeremiya 22:21

Ngakwecwayisa ngesikhatsi usativela uphephile, kodvwa wena watsi: ‘Ngingeke ngilalele!’ Lena bekunguyona ndlela yakho kusukela kwasebusheni bakho, awuzange ungilalele.

Jeremiya 3:13

Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.

Jeremiya 31:19

Emvakwekweduka kwami ngaphendvuka; emvakwekucondza kwami ngatisola. Ngadliwa ngemahloni, ngatfotjiswa, ngobe ngetfwele lihlazo lebusha bami.’

Jeremiya 6:26

Awu, sive sami, yembatsani emasaka, nitiphucaphuce emlotseni; lilani ngekudzabuka lokukhulu, kube shangatsi kwendvodzana lekukuphela kwayo, ngobe umbhubhisi uyakusitselekela ngekushesha lokukhulu.

Jeremiya 7:19

Kodvwa ngimi yini lona labamchukulutako? kusho Simakadze. Abatilimati bona yini, batitsele bona ngelihlazo?

Jeremiya 8:14

“Sihlaleleni kantsi lapha? Butsanani ndzawonye! Asibalekeni siye emadolobheni labiyelwe, siyewufela khona! Ngobe Simakadze Nkulunkulu wetfu sewusimisele kutsi sibhubhe, wasinika emanti lanashevu kutsi siwanatse, ngobe sonile kuye.

Jeremiya 9:18

Abefike masinyane, batesikhihlela sililo, emehlo etfu adzimate aphophote tinyembeti; kugobhote imifula yemanti etinkhopheni tetfu.

Sililo 5:16

Umchele udzilikile etinhloko tetfu. Maye kitsi! Ngobe sonile.

Sililo 5:7

Bobabemkhulu labona sebafa, tsine sesetfwele licala labo.

Hezekeli 2:3

Watsi: “Ndvodzana yemuntfu, ngikutfumela kuma-Israyeli, esiveni lesihlubukako nalesingihlubukile; bona naboyise solomane bayangihlubuka kuze kube ngulamuhla.

Hezekeli 36:32

Ngifuna nati kutsi loko angikwenti ngenca yenu. Banini nemahloni nihlazeke ngenca yekutiphatsa kwenu kabi, ninendlu yaka-Israyeli, kusho iNkhosi Simakadze.

Hezekeli 44:13

Akukafaneli asondzele atengikhonta njengebaphristi nome-ke asondzele nome ngangukutiphi tintfo tami letingcwele nome iminikelo lengcwelengcwele; kufanele aletfwale lihlazo ngaletento tabo letisinengiso.

Hezekeli 7:18

Bayawukwembatsa emasaka, bagcokiswe lusizi. Buso babo bonkhe buyakwembatsa emahloni, netinhloko tabo bonkhe tiyawuhhulwa.

Danyela 12:2

Ticumbi ngeticumbi lesetalala elutfulini lwemhlaba tiyawuvuka, labanye bavukele ekuphileni kwaphakadze, labanye ehlazweni nasekwedzelelekeni kwaphakadze.

Hoseya 9:10

“Ngesikhatsi nangitfola Israyeli, bekungatsi ngitfola emagelebisi elugwadvule; ngesikhatsi ngibona boyihlo, bekungatsi ngibona titselo tekucala esihlahleni semakhiwa. Kodvwa kwatsi nabefika eBhali Pheyori, batehlukanisela leso sithico lesilihlazo, nabo baze benyanyeka njengalentfo bebayitsandza.

Zefaniya 1:17

“Ngiyakwehlisela lusizi ebantfwini bahambe njengetimphumphutse, ngobe bonile kuSimakadze. Ingati yabo iyawutfululwa njengelutfuli, nematfumbu abo atfululwe njengebulongo.”

KubaseRoma 6:21

Natfolani-ke ngekwenta leto tintfo leseninemahloni ngato nyalo? Phela siphetfo saleto tintfo kufa!

Tikhulu 2:2

Nani aniyikusenta sivumelwane nebantfu bakulelive, kodvwa niyakuwabhidlita emalati abo.’ Noko nine anikangilaleli. Nikwenteleni loku?