Labo bebangema-Israyeli ekutalwa batehlukanisa kubo bonkhe betive. Bema ngetindzawo tabo, bavuma tono tabo nekonakala kwabokhokho babo.
Jeremiya 3:13 - Siswati 1996 Bible Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze. |
Labo bebangema-Israyeli ekutalwa batehlukanisa kubo bonkhe betive. Bema ngetindzawo tabo, bavuma tono tabo nekonakala kwabokhokho babo.
Umuntfu lofihla tono takhe angeke aphumelele; kodvwa lotivumako atishiye uyawutfola umusa.
Nishiselwa tinkhanuko etihlahleni tema-okhi nangaphansi kwato tonkhe tihlahla letendlala emagala ato. Ninikela ngebantfwabenu emifudlaneni nangaphansi kwemifantfu yemadvwala.
Naku lokushiwo nguSimakadze ngalesive, utsi: “Bakutsandza kakhulu kuzulazula; abatibambi tinyawo tabo. Ngako Simakadze akabemukeli, nyalo sewutabukhumbula nebubi babo, abajezisele tono tabo.”
Awu Simakadze, siyabuvuma bubi betfu kanye nelicala labobabe betfu; impela sonile kuwe.
“Lijoko lakho walephula, lokwa kadzeni, watidzabula tibopho takho, watsi: ‘Ngingeke ngikukhonte!’ Ngempela, kuwo onkhe emagcuma laphakeme nangaphansi kwato tonkhe tihlahla letendlala emagala ato, walala phansi, walala njengengwababane.
Ungagijimi kuze kudzabuke ticatfulo takho nemphimbo wakho uze wome. Kodvwa wena watsi: ‘Akusiti lutfo! Ngiyatitsandza tithico tebetive, futsi tona ngitatilandzela.’ ”
“Phakamisela emehlo akho etulu eticongweni letingenalutfo, ubone. Ikhona yini indzawo lapho bangazange sebakulale khona? Njengalondzindzako ehlane, wahlala eceleni kwemgwaco ulindzele tiphingi. Ulingcolisile lelive ngebugwadla bakho nangekukhohlakala kwakho.
Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”
Ngesikhatsi kusabusa inkhosi Josaya, Simakadze wakhuluma kimi, watsi: “Ukubonile yini lokwentiwe ngu-Israyeli longaketsembeki? “Wenyukele etulu kuwo onkhe emagcuma laphakeme, waya nangaphansi kwato tonkhe tihlahla letendlala emagala ato, waphingela khona lapho.
Kodvwa abazange balalele, futsi abanakanga nekunaka; esikhundleni saloko balandzela kutsambekela kwenkhani yetinhlitiyo tabo letimbi. Babuyela emuva, bangete baya embili.
Kodvwa abazange bangilalele, abanginakanga nekunginaka. Bacinisa tinhloko tabo, benta tono letinyenti kakhulu kunaletentiwa boyisemkhulu.
“ ‘Kodvwa wena wesuke wase wetsembela kulobuhle bakho, lelidvumela lakho lakwenta waba yingwababane. Watfululela konkhe kukhanuka kwakho kunome ngubani labendlula ngendlela, buhle bakho baba bake.
Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”
Nibotibhubhisa tonkhe letindzawo letisetulu etintsabeni, nasemagcumeni, nangaphansi kwato tonkhe tihlahla letiluhlata, lapho letive lenitemuka lelive betikhontela khona bonkulunkulu bato.