Jeremiya 29:21 - Siswati 1996 Bible

Naku lokushiwo nguSimakadze longuSomandla, Nkulunkulu wema-Israyeli, mayelana na-Ahabi, umsa waKholaya, nangaSedekiya, umsa waMaseya, labaphrofetha emanga kini egameni lami, utsi: ‘Ngitawubanikela kuNebukhadnezari, inkhosi yaseBhabhulona, yena uyawufike ababulale embikwemehlo enu nibuka.

Jeremiya 29:21 Referencias Cruzadas

Jeremiya 20:4

Ngobe nguloko lokushiwo nguSimakadze, utsi: ‘Ngitakwenta ube sesabiso ngisho nakuwe cobo lwakho nakubo bonkhe bangani bakho; uyakubabona ngewakho emehlo bawa ngenkemba babulawa titsa tabo. Ngiyawuniketela wonkhe Juda enkhosini yaseBhabhulona, leyawubetfwala iye nabo eBhabhulona nome ibabulale ngenkemba.

Jeremiya 20:6

Wena-ke Phashuri, nabo bonkhe basekhaya kakho, niyawutfunjelwa eBhabhulona. Niyawufike nifele khona lapho, ningcwatjwe khona, wena kanye nabo bonkhe labangani bakho lophrofethe kubo emanga.’ ”

Jeremiya 23:14

Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Jeremiya 29:15

“Ningasho nitsi: ‘Simakadze usivusele baphrofethi lapha eBhabhulona.’

Sililo 2:14

Imibono yebaphrofethi bakho yayingemanga, futsi ingenamsebenti. Baphrofethi bakho abazange batibeke ebaleni tono takho, kuze uvikeleke kuloko kugcilateka. Letembulo labakunika tona tatitemanga netekwedukisa.

2 yaPhetro 2:1

Nakadzeni babevele bakhona baphrofethi bemanga emkhatsini wesive, kanjalo-ke nalapha emkhatsini wenu batawuvela baphrofethi bemanga, labatawungenisa timfundziso temanga letibhubhisako, baphike uMbusi lowabatsenga, ngaloko-ke batawube batidvonsela kubhujiswa lokusheshisako.