Jeremiya 27:14 - Siswati 1996 Bible

Ningawalaleli emavi ebaphrofethi labatsi kini: ‘Ningeke niyikhonte inkhosi yaseBhabhulona,’ ngobe baphrofetha emanga.

Jeremiya 27:14 Referencias Cruzadas

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Jeremiya 23:21

Angizange sengibatfume labaphrofethi, noko bagijime nemilayeto yabo; angizange sengikhulume kubo, noko sebaphrofethile.

Jeremiya 23:25

“Ngikuvile loko lokushiwo baphrofethi, nabaphrofetha emanga egameni lami. Batsi: ‘Ngiphuphile! Ngiphuphile!’

Jeremiya 28:15

Ngako umphrofethi Jeremiya wase ukhuluma kuHananiya, umphrofethi, watsi: “Lalela lapha, Hananiya! Wena awukatfunywa nguSimakadze, kodvwa lesive ulibele kusenta setsembe emanga akho.

Jeremiya 37:19

Baphi labaphrofethi benu labaniphrofethela batsi: ‘Inkhosi yaseBhabhulona ingeke ikuhlasele, nalelive ingeke ilente lutfo’?

Jeremiya 38:22

Onkhe lamakhosikati lasele esigodlweni senkhosi yakaJuda, atawukhishwa ayiswe kuto tiphatsimandla tenkhosi yaseBhabhulona. Lamakhosikati ayawukhuluma kuwe, atsi: “ ‘Bakwedukisa baze bakwehlula, labo bangani bakho lobetsembako. Tinyawo takho titike ekhatsi eludzakeni; bangani bakho bakulahlile.’

Sililo 2:14

Imibono yebaphrofethi bakho yayingemanga, futsi ingenamsebenti. Baphrofethi bakho abazange batibeke ebaleni tono takho, kuze uvikeleke kuloko kugcilateka. Letembulo labakunika tona tatitemanga netekwedukisa.

Mikha 2:11

Lesive sifuna luhlobo lwebaphrofethi labaphrofetha emanga nenkhohliso, batsi: ‘Ngiphrofetha kutsi liwayini netjwala kuyawuba ngimifula yenu yekunatsa.’

Zakhariya 10:2

Tithico tikhuluma lokuyinkhohliso, labaphengulako babona imibono yemanga, bakhuluma emaphupho langesilo liciniso. Badvudvutana mahhala nje ngelite. Ngako-ke bantfu bazulazula njengetimvu, bacindzetelekile ngekweswela umelusi.

Matewu 7:15

“Caphelani baphrofethi bemanga, labeta kini banjengetimvu ngaphandle, kodvwa ngekhatsi banjengetimphisi letibukhali.

KubaseFiliphi 3:2

Caphelani tinja, nicaphele tisebenti tebubi, nicaphele bekusika umtimba.

1 yaJohane 4:1

Batsandzekako, ningabohambe nikholwa ngibo bonkhe bomoya, nibobahlola bomoya kutsi baNkulunkulu yini, ngobe banyenti baphrofethi bemanga labaphumele eveni.