Buso baSimakadze buphambene nalabenta lokubi, kuze abashabalalise, bangabe basakhunjulwa emhlabeni.
Jeremiya 23:30 - Siswati 1996 Bible Simakadze utsi: “Ngako-ke, ngiphambene nebaphrofethi labebelana emavi lekutsiwa akhulunywe ngimi.” |
Buso baSimakadze buphambene nalabenta lokubi, kuze abashabalalise, bangabe basakhunjulwa emhlabeni.
Ngiphambene nawe, Jerusalema, wena lohlala ngetulu kwalesihosha entsabeni lengemadvwala, kusho Simakadze. Nine lenikhulumako, nitsi: “Ngubani nje longasihlasela? Ngubani longangena kulenqaba yetfu?”
Simakadze utsi: “Yebo, ngimelene nebaphrofethi labajikitisa tilwimi tabo babe bakhuluma batsi: ‘Simakadze uyakhuluma.’
“Ngako-ke naku lokushiwo nguSimakadze longuSomandla, Nkulunkulu wema-Israyeli, utsi: Ngitimisele kwehlisela inhlekelele etikwenu nekubhubhisa Juda wonkhe.
“ ‘Loku kuyawuba sibonakaliso kini kutsi ngiyawunijezisa kulendzawo, khona nitewukwati kutsi kusonga kwami ngani nakanjani kuyakuma kungagucuki,’ kusho Simakadze.
“ ‘Ngako-ke naku lokushiwo yiNkhosi Simakadze, itsi: Ngimelene nalobutsi benu bekuhhungula lenihhungula ngabo bantfu nibetsiye njengetinyoni, futsi ngitabudzabula lapho emikhonweni yenu. Ngiyawubakhulula labo bantfu lese nibetsiye njengetinyoni.
“ ‘Ngako-ke naku lokushiwo yiNkhosi Simakadze, itsi: “Ngenca yemavi enu layinkhohliso nangemibono yenu lengemanga, ngimelene nani,” kusho iNkhosi Simakadze.
Ngiyawubhekisa buso bami ngakubo ngimelane nabo. Nome baphumile emlilweni, noko lomlilo usetawubacedza. Ngesikhatsi ngibhekisa buso bami ngakubo ngimelana nabo, niyawukwati-ke kutsi mine nginguSimakadze.
Buso bami ngiyawubufulatselisa kulowo muntfu ngimncume esiveni sakubo, ngobe phela ngekunikela ngebantfwabakhe kuMoloki ungcolise indlu yami lengcwele, wahlambalata libito lami lelingcwele.
Buso bami buyawumelana nani, bese nehlulwa titsa tenu, tona leto letinitondzako tiyawunibusa, nani nibaleke, ngisho nome seningasacoshwa ngumuntfu.
Kodvwa umphrofethi lotenta shangatsi ukhuluma ngelibito lami loko lengingakasho kutsi akakukhulume, nome umphrofethi lokhuluma ngelibito lalabanye bonkulunkulu, lowo kufanele abulawe.’
Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.
Ngobe emehlo eNkhosi ayababona labalungile, netindlebe teNkhosi tiyayiva imithandazo yabo. Kodvwa iNkhosi iyemelana nalabo labenta lokubi.”