Jeremiya 23:28 - Siswati 1996 Bible

Umphrofethi loneliphupho akakhulume liphupho lakhe, kodvwa lowo lonelivi lami akakhulume lona ngekwetsembeka. Ngobe empeleni emakhoba ayini nje kukolo?” kusho Simakadze.

Jeremiya 23:28 Referencias Cruzadas

1 Emakhosi 22:14

Kodvwa Mikhaya waphendvula watsi: “Ngifunga kuphila kwaSimakadze, ngitamtjela loko lengikutjelwa nguSimakadze kuphela.”

1 Emakhosi 22:16

Inkhosi Ahabi yatsi kuye: “Ngitakutjela kangaki kutsi ungangitjeli lutfo lolunye ngaphandle kweliciniso egameni laSimakadze?”

Taga 14:5

Fakazi lowetsembekile akawacali emanga; kodvwa fakazi longaketsembeki uphefumula emanga.

Isaya 21:10

Awu, sive sami, senipitjitelwe phansi ebaleni lekubhulela kolo, ngiyanitjela loko lengikuvile kuSimakadze longuSomandla, kuNkulunkulu wema-Israyeli.

Jeremiya 23:25

“Ngikuvile loko lokushiwo baphrofethi, nabaphrofetha emanga egameni lami. Batsi: ‘Ngiphuphile! Ngiphuphile!’

Jeremiya 42:4

Jeremiya, umphrofethi, wabaphendvula, watsi: “Senginivile, ngempela ngitawuthandaza kuSimakadze Nkulunkulu wenu, njengobe nicelile. Ngitanitjela konkhe Simakadze lakushoko, futsi kute lengitanigodlela kona.”

Jeremiya 9:12

Ngubani umuntfu lohlakaniphile kangangekutsi angakucondza loku? Ngubani lofundziswe nguSimakadze kutsi angakuchaza loku? Lelive lentiwe leni laba tindzala njengelihlane lokutsi kubete muntfu lowendlula ekhatsi kulo?

Jeremiya 9:20

Awu, nine labasikati, vanini livi laSimakadze. Vulani tindlebe tenu kuwo emavi laphuma emlonyeni wakhe. Fundzisani emadvodzakati enu kukhihla sililo, fundzisani ngulowo nalowo kulila.

Hezekeli 13:3

“ ‘Naku lokushiwo yiNkhosi Simakadze, itsi: Maye kulabo baphrofethi labatilima, labalandzela umoya wabo, babe bangakaboni lutfo!

Matewu 24:45

“Pho, ngubani losisebenti lesetsembekile nalesihlakaniphile, inkhosi yaso lesimise etikwebendlu yayo, kutsi sibanike kudla ngesikhatsi lesifanele?

Lukha 12:42

INkhosi yaphendvula yatsi: “Ngubani-ke losisebenti lesetsembekile nalesihlakaniphile lesiyawutfunywa kutsi sicize indlu yenkhosi kanye nekunika letinye tisebenti kudla lokutifanele nangesikhatsi lesifanele?

1 kubaseKorinthe 4:2

Futsi-ke baphatsi kufuneka kutsi batfolakale betsembekile.

2 kubaseKorinthe 2:17

Tsine-ke asinjengabo bantfu labanyenti labenta livi laNkulunkulu libe yindali; kodvwa tsine lesikuKhristu sikhuluma kwaNkulunkulu ngekuciniseka ebukhoneni bakhe.

1 kuThimothi 1:12

Ngiyambonga Khristu Jesu iNkhosi yetfu longiphe emandla, ngobe wangetsemba ngekungifaka emsebentini wakhe.