Jeremiya 2:26 - Siswati 1996 Bible

“Njengobe lisela lihlazeka nase libanjiwe, kanjalo nendlu yaka-Israyeli ihlazekile, bona, nemakhosi abo, netindvuna tabo, nebaphristi babo kanye nebaphrofethi babo.

Jeremiya 2:26 Referencias Cruzadas

Ezra 9:7

Kusukela etikhatsini tabokhokho kuze kube ngumanje, bubi betfu bebuvele bubukhulu. Ngenca yetono tetfu, tsine nemakhosi etfu nebaphristi betfu besibantfu bekubulawa ngenkemba nekutfunjwa, nekuphangwa kanye nekwentelwa phansi etandleni temakhosi etive, njengobe kusenjalo lamuhla.

Tihlabelelo 97:7

Bayahlazeka badliwe ngemahloni bonkhe labakhonta tithico, bachoshe ngetithico letingenamsebenti. Bonkhe bonkulunkulu bakhotsama kuSimakadze.

Isaya 1:29

“Niyakudliwa ngemahloni ngenca yema-okhi latithico, lese nitijabulise ngawo; niyawuhlazeka ngenca yetingadze tekukhontela tithico, lese nitikhetsile.

Isaya 44:11

Yena nalahambisana nabo bayawuhlaziswa; tingcweti kutekubumba atisilo lutfo, kodvwa tibantfu nje. Ababutsane ndzawonye bonkhe, beme kuloko labasime kuko; bayawehliselwa ekwesabekeni kwelihlazo lalokubi.

Isaya 44:9

Bonkhe labenta tithico balite, naletintfo letiligugu kangaka kubo tilite. Labo lababetikhulumela batimphumphutse, futsi abati lutfo, lokulihlazo kubo.

Jeremiya 2:36

Utiguculelani kangaka tindlela takho? IGibhithe itakujabhisa, njengaloku wake wajabhiswa yi-Asiriya.

Jeremiya 22:22

Umoya uyawubaphephula bonkhe belusi bakho, nebangani bakho bayawutfunjwa. Uyawuba nemahloni uhlazeke ngenca yabo bonkhe bubi bakho.

Jeremiya 32:32

Bantfu baka-Israyeli nebakaJuda bangicunula ngabo bonkhe bubi lababentile: bona kanye nemakhosi abo, netindvuna tabo, nebaphristi babo, nebaphrofethi babo, nemadvodza akaJuda kanye nabo bonkhe baseJerusalema.

Jeremiya 4:9

Simakadze utsi: “Ngalelo langa, inkhosi netindvuna bayawuphelelwa ngemandla, baphristi bayawukwesaba, nebaphrofethi bayawutfutfumela.”

Jeremiya 48:27

Israyeli abengasiyo yini intfo yakho yekuhlekisa? Abebanjwe emkhatsini wemasela yini kwekutsi ungaze unikine inhloko uhlekise ngaye njalo nje, nawuphatsa libito lakhe?

Hezekeli 16:54

kuze utewuletfwala lelihlazo lakho udliwe ngemahloni ngako konkhe loku lokwentile kwekubadvudvuta.

Hezekeli 22:26

Baphristi balo bephula umtsetfo wami bahlambalate tintfo tami letingcwele; abehlukanisi emkhatsini walokungcwele nalokutintfo nje; bafundzisa kutsi kute umehluko emkhatsini walokuhlantekile nalokungcolile ngekwemtsetfo; bavala emehlo abo bangakunaki kugcina emaSabatha ami, khona ngitewuhlanjalatwa emkhatsini wabo.

Zakhariya 5:4

Simakadze longuSomandla utsi: ‘Ngiyawutfumela lesicalekiso, siyewungena endlini yelisela nasendlini yalowo lofungela emanga ngeLibito lami. Siyawuhlala lapha endlini yakhe siyibhubhise kanye netigodvo nematje ayo.’ ”

KubaseRoma 6:21

Natfolani-ke ngekwenta leto tintfo leseninemahloni ngato nyalo? Phela siphetfo saleto tintfo kufa!