Jeremiya 17:6 - Siswati 1996 Bible

Uyawufanana nesihlahla eveni lelingenalutfo; angeke ayibone imphumelelo nayitako. Uyawulibala kuhlala emacwatseni etindzawo tasehlane, eveni lelimunyu, lapho kukhala libhungane khona.

Jeremiya 17:6 Referencias Cruzadas

2 Emakhosi 7:2

Lendvuna, inkhosi leyayicamele emkhonweni wayo, yakhuluma ku-Elisha, yatsi: “Buka la: Ngisho nome Simakadze abengavula onkhe emafasitelo emvula ezulwini, loko bekungenteka yini?” Elisha waphendvula watsi: “Utatibonela wena ngemehlo akho. Kodvwa wena awuyikudla lutfo lwako!”

Jobe 20:17

Angeke atfokote ngemifudlana nemifula legeleta luju nelulata.

Jobe 39:6

Ngayinika lihlane kutsi libe likhaya layo nematsafa eluswayi kutsi abe yindzawo yayo yekuhlala.

Tihlabelelo 1:4

Lababi-ke bona abanjalo, banjengemakhoba wona lapheshulwa ngumoya.

Tihlabelelo 107:34

live lelivundzile laba lugagadvu ngenca yebubi betakhamiti talo.

Tihlabelelo 92:7

kutsi nome lababi bangahluma njengetjani, nato tonkhe tigilamkhuba tichuma, noko tiyawubhujiswa phakadze naphakadze.

Isaya 1:30

Niyawufanana nesihlahla se-okhi lesinemacembe labunako, nibe njengengadze lete emanti.

Jeremiya 29:32

naku lokushiwo nguSimakadze utsi: Ngempela, ngitamjezisa Shemaya waseNehelamu kanye nesitukulwane sakhe. Kute namunye loyawusala kulabantfu laba, futsi akayiwubona nakunye kwetintfo letinhle lengiyawutentela bantfu bami, ngobe yena ushumayele kuhlubuka mine, kusho Simakadze.’ ”

Jeremiya 48:6

Balekani niphephise imphilo yenu, banini njengesihlahla lesisehlane.

Hezekeli 47:11

Kodvwa emachaphoti nematete akayiwuhluma abe luhlata abe mahle, ayawusala aluswayi.

Zefaniya 2:9

Ngako-ke, kuphila kwami,” kusho Simakadze Somandla, longuNkulunkulu wema-Israyeli, “impela Mowabi uyawuba njengeSodoma, nema-Amoni abe njengeGomora, indzawo yelukhula nemigodzi yeluswayi, live lelilihlane phakadze naphakadze. Insali yesive sami iyawubaphanga; besive sami labayawusala bayawulidla live labo.”

Dutheronomi 29:23

Live lonkhe liyawuba luswayi lolungenamsebenti lolubhadlako nesibabule. Kute lokuyawuhlanyelwa, kute lokuyawumila, kute nakunye lokuluhlata lokuyawuhluma kulelo live. Kuyawufanana nekubhujiswa kweGomora neSodoma, i-Adma neSeboyimu, Simakadze lakubhubhisa ngalolulaka lolwesabekako.

Tikhulu 9:45

Lonkhe lelo langa Abimeleki wachubeka wahlasela lelo dolobha, waze walitfumba, wabulala bonkhe bantfu lababekulo. Walibhidlita lonkhe, wase ulinyenyeta ngeluswayi.