Jeremiya 17:1 - Siswati 1996 Bible

“Sono saJuda sicoshwe ngelutsi lwensimbi, sabhalwa ngesihloko sedayimane etibhebheni tetinhlitiyo tabo nasetimphondvweni temalati abo.

Jeremiya 17:1 Referencias Cruzadas

Taga 3:3

Ungehlukani nenhlonipho nekwetsembeka; kukhungele entsanyeni yakho, ukubhale etibhelekeceni tenhlitiyo yakho.

Taga 7:3

utembatse njengendandatho eminweni yakho, uticophe engcondvweni yakho.

Isaya 49:16

Buka la; ngikucophe entsendzeni yetandla tami; tibondza takho tisembikwami njalo.

Jeremiya 11:13

Ninabonkulunkulu labanyenti labangangalamadolobha enu, nine maJuda; nalamalati leniwamisele kutfuncisa imphepho kuwo, niyitfuncisele sithico lesilihlazo lesinguBhali, manyenti angangetitaladi taseJerusalema.’

Jeremiya 2:22

Nome utigezisa ngasota usebentisa nensipho lenyenti, noko lelo chashata lelilicala lakho solomane limile embikwami,” kusho iNkhosi Simakadze.

Jeremiya 31:33

Simakadze utsi: “Ngulesi sivumelwane lengiyakusenta nendlu yaka-Israyeli emvakwaleso sikhatsi: Ngiyawufaka umtsetfo wami etingcondvweni tabo, ngiwubhale etinhlitiyweni tabo. Ngiyawuba nguNkulunkulu wabo, bona babe bantfu bami.

Jeremiya 4:14

Maye kitsi, ngobe sibhujisiwe. Maye Jerusalema, geza bubi lobusenhlitiyweni yakho, khona utewusindziswa. Uyawuyifukamela kuze kube ngunini lemicabango yakho lemibi?

Hoseya 12:11

Gileyadi ukhohlakele yini? Bantfu bakhe akusibantfu balutfo! Bayayenta imihlatjelo yetinkunzi eGilgali, ngako-ke emalati abo ayawufanana netincumbi tematje lasensimini lelinyiwe.

Hoseya 7:2

kodvwa ababoni kutsi ngitikhumbula tonkhe tento tabo letimbi. Tono tabo tiyabagabudzela, tisembikwami ngaso sonkhe sikhatsi.”

Hoseya 8:11

“Lite nome Efrayimu akhe emalati lamanyenti eminikelo yesono, lamalati asagucuke aba ngemalati ekwenta tono.

Levithikusi 4:25

Umphristi uyakwenya umuno wakhe kulengati yalesilwane, bese uyibhoca etimphondvweni telilati leminikelo yekushiswa, lena lenye ingati ayitsele esisekelweni selilati.

Zakhariya 7:12

Benta tinhlitiyo tabo taba lukhuni njengelitje, bangete bawulalela umtsetfo, bangawalaleli nemavi lakhulunywa nguSimakadze longuSomandla, lawatfumela ngaMoya wakhe ngebaphrofethi bakadzeni. Ngako-ke Simakadze longuSomandla watfukutsela kakhulu.

2 kubaseKorinthe 3:3

Kuyakhanya kutsi niyincwadzi yaKhristu leletfwe ngitsi, lengakabhalwa ngenki, kepha ngaMoya Longcwele, waNkulunkulu lophilako, hhayi etibhelekeceni tematje kepha etinhlitiyweni tebantfu.