Jeremiya 15:7 - Siswati 1996 Bible Ngiyakubahlunga ngemfologo yekuhlenga ngasemasangweni emadolobha elive. Ngitawuletsa sifo nembhubhiso esiveni sami, ngobe abakatiguculi tindlela tabo. |
Uyakuwela, umoya uwakhetse, sivunguvungu siyakuwaphephula. Kodvwa wena uyawujabula ngaSimakadze, utibonge ngaLongcwele waka-Israyeli.
EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.
Kodvwa bantfu abakaphendvukeli kuye lowo lowabashaya, futsi abakamfunisisi Simakadze longuSomandla.
Ngako-ke nikela bantfwababo endlaleni, banikele emandleni enkemba. Yenta bafati babo bemukwe bantfwababo babe bafelokati, emadvodza abo akabulawe ngesifo lesibulalanako, emajaha abo ajutjwe ngenkemba emphini.
Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.
Ngiyawutfumela tihambi eBhabhulona kutsi titeyihlunga tibhubhise nelive layo. Tiyawumelana nayo ndzawo tonkhe, ngelilanga lenhlekelele yayo.
Kufa sekufohle emafasitelo etfu kwangena ngekhatsi, kwadzimate kwangena nasetinqabeni tetfu, kwancamula bantfwana lapha etindleleni, nemajaha ancamuka etinkhundleni.
‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.
“Wena-ke, ndvodzana yemuntfu, ngalelilanga lengiyawutsatsa ngalo inqaba yabo, kujabula kwabo neludvumo lwabo, injabulo yemehlo abo, nesifiso senhlitiyo yabo, kanye nemadvodzana nemadvodzakati abo,
Ngiyawukwenta bantfu, lekusive sami ema-Israyeli, kutsi bahambe etikwenu. Nine seniyawuba babo, nibe lifa labo; aniseyiwuphindze nibemuke bantfwababo.
Ningafanani nabokhokho benu, lekwatsi baphrofethi bakucala nabakhuluma kubo, batsi: Naku lokushiwo nguSimakadze longuSomandla, utsi: ‘Phendvukani etindleleni tenu letimbi nakulokubi lenikwentako.’ Kodvwa abazange bangilalele, futsi abanginakanga nekunginaka, kusho Simakadze.
Sitja sakhe sekwela sisesandleni sakhe; uyawushanelisisa sibuya sakhe abutsele emabele esilulwini sakhe, kepha emakhoba uyawuwashisa ngemlilo longacimeki.”
“Intalo yesisu sakho iyawucalekiswa, nesivuno selive lakho, nemankhonyane emihlambi yetinkhomo takho, nemazinyane emihlambini yetinkhomo takho, nemazinyane emihlambini yetimvu takho.
Emadvodzana nemadvodzakati enu ayawutsatfwa aniketelwe kuletinye tive, nine niyawugugelwa ngemehlo solomane niwagolotele imihla ngemihla, ningasenamandla ngisho newekuphakamisa sandla.